Program RSK di Sibu Jaya nerima sambut ti manah

SIBU: Program Randau Solidariti Komuniti (RSK) ti diatur ba Dewan Mayuhguna Sibu Jaya udah nerima sambut ti manah amat, bedau lama udah.

Diatur Kaunsil Pemansang Sosial (KWPKK) Negeri Sarawak bekerejasama enggau Opis Residen Bagi Menua Sibu, Opis Pelilih Menua Sibu,Opis Penyerakup enggau Integrasi Bansa (JPNIN) Bagi Sibu enggau Kawasan Rukun Tetangga Sibujaya Zon 3, program ke diatur pengelama sehari nya berengkah ari pukul 8 pagi nyentuk 10 malam.

Batang tuju nya diatur iya nya kena ngenegapka penemu enggau penyedar pasal pemesai guna solidariti enggau penyerakup dikena ngemansangka komuniti ti ‘resilent’.

Kelimpah ari nya, kena neguhka semengat penyerakup (unity) enggau sama begulai (togetherness) sereta ngangakatka modal sosial komuniti kena mutarka pemar sosial ke ditapi.

Program tu mega nempa semengat ibuhka sosial setipak enggau kimpin #careforsarawak ti dipejalaika opis menteri nya.

Entara program ke bisi maya nya, Licha ejensi (MPS, JPNIN, AADK, Mental Health Association, PDRM, Bomba), Forum “Solidariti Pelasar Pengelantang Komuniti” (panel ari PDRM, JKM, JPN, SRDC, JKR), kaunter servis (MPS, JKM, MHA, JPN, CIMB), Lumba enggau Main Solidariti Komuniti sereta Pekit Nyura Nembiak

Mit.

Pengerami nutup program nya diatur muak ke malam nya dikemujurka Sapit Residen Bagi Menua Sibu, Awang Mohamad Nizam Ali Borhan.

Sama bisi ngulu pengerami nya, Chairman KRT Sibu Jaya Zon 3 Raymond Bandang.

Pengerami nutup nya dirichahka agi enggau pengawa mandangka main budaya, beperindang enggau main nebah sape sereta Pekit Ratu/Raja Cilik Solidariti.