Program Jiwa Murni Skuadron Semboyan Briged Kesemilan Infantri dipejalaika enggau mujur
Skuadron Semboyan Briged Kesemilan Infantri udah ngatur Program Jiwa Murni di Masjid Darul Firdaus, Taman Apollo, kemari.
Program tu udah berengkah enggau raban bebaris ba tengah laman masjid nya kena pukul 8:10 pagi, ditangkanka enggau pengawa meri penerang.
Program Jiwa Murni berengkah pukul 8:30 pagi enggau raban ti bejalaika aktiviti ngechat dinding Balai Mayuh Guna Masjid Darul Firdaus sereta ngechat stor.
Kelimpah ari nya, raban tu mega udah meresika dalam enggau luar kandang endur nya.
Program tu mujur dipejalaika enggau manah lalu tembu kena pukul 2:30 lemai.
Program tu mega udah ngaul urung 60 iku semua nya lalu 38 iku iya nya raban soldadu lalu ke bukai iya nya volunteer ari Masjid Darul Firdaus.
Sama bisi datai iya nya Ketuai Skuadron Semboyan Briged Kesemilan Infantri Leftenan Kolonel Mohd Azizul Azmi Nuran.