Pengawa ngaga projek ke besai di Sarawak dipajakka
Pengawa nya deka ditampung taja pan maya ekonomi global ti enda meruan ba maya ke diatu, ku Abang Johari Sekeda projek (besai) dipelanja kerajaan negeri, pengawa ngaga nya deka dipajakkka.
KUCHING: Premier Datuk Patinggi Tan Sri Abang Johari Tun Openg madah, Sarawak deka nampung pengawa ngaga sekeda projek ke besai ti dipelanja perintah negeri, taja pan ba maya ekonomi global ti enda meruan ba maya ke diatu.
“Sekeda projek (besai) dipelanja kerajaan negeri, pengawa ngaga nya deka dipajakkka.
“Aku enda nyaga projek ti dipelanja perintah besai. Aku semina nyaga projek ti dipelanja perintah negeri,” ku iya lebuh dirandau pengarang berita pengudah bejadi Pengerami Ngintu Hari Kampung Antarabansa 2022 Renggat Negeri ba Palan Mansik Kampung Industri (IFRC) di KM20, Jalai Puncak Borneo,kemari.
Iya madah munyi nya lebuh ditanya sekalika perintah negeri mega berunding deka nangguhka pengawa ngaga projek ke besai di Sarawak baka pemutus perintah besai kena ngaduka tating subsidi ti
“
ditanggung taun tu.
Sebuah portal berita menua kena Hari Satu tu tadi, bisi ngemansutka ripot madahka Menteri Ba Opis Menteri Besai, Datuk Seri Mustapa Mohamed bisi mansutka jaku madahka perintah berunding deka nangguhka dulu pengawa ngaga projek ke besai kena ngaduka belanja bekaul enggau subsidi ti dianggarkan manggai RM77.3 bilion, taun tu.
Ku Mustapa, nya sekeda ari atur ti tau dipansik sereta diperunding kena nentuka penuduk wang menua terus tegap, laban beratika bisi pematut nyaga pengelantang pendiau rayat nengah chara majak meri subsidi.
Ku menteri nya baru, penyampau subsidi ke pemadu mayuh dalam sejarah deka diberi dalam taun tu nya nyata meri empas ngagau belanja menua, tang pengelantang pendiau rayat tetap dikemeratka kena nyeliahka rayat ari terus tnapi pemar ditating ungkus belanja ke besai.
“Perintah bedau ngaga pemutus sekalika deka nangguh ngaga projek ke besai laban gaya ba maya ke diatu agi mega dinamik sereta berubah belama.Diatu rega minyak agi mar lalu gaya geopolitik di Russia-Ukraine mega agi balat.
“Mayuh melabaka pekara ti nyadi di di Eropah tu enggau deka majak naydi nyentuk ke siti maya. Nya alai, rega
”
komoditi mengkang mar ketegal gaya geopolitik ti enda meruan tu.
“Naka ke diatu, perintah agiu beratika peakra ke nyadi diatu, tang enggau nangguhka dulu ngaga projek ke besai taja pan nya bedau diputuska.
Nya siti ari atur ti tau dipansik sereta diperundingka kena nentuka pekara wang menua tetap tegap,” ku iya madah maya aum media s pengudah ngelancharka Statistics Data Warehouse (StatsDW) di Putrajaya.