Pemandang Pelajar DTTAS nyaup nembiak ti tembu besekula nentuka kuing pengidup sida jemah ila
SARATOK: Reverend Winston Sokim ke udah gawa pengelama 24 taun ba Gerija St Peter, Saratok deka dipindahka ngagai Gerija St Thomas, Bintulu.
Pangku pengaw ke puang nya deka diisi Ralph Rapu Sigat.
Maya nyerahka pangku pengawa nya ke diatur ba Gerija St Peter, Winston ngarapka bala raban Kristian dia terus meri kerejasama enggau komitmen ti pemadu manah ngagai reverend baru.
Ku iya, iya deka seruran besampika ti pendu manah ngagai raban Kristian lalu ngarapka ulih majak bekerejasama dalam sebuah ruang bilik.
Pengawa nyerahka pangku pengawa nya dikemataka Archdeacon Jackson Jarau ari Gerija St Luke, Sri Aman.
Sama bisi ngulu penagwa nya, bala kaban sereta Youth Gerija St Peter.
MIRI: Pemandang Pelajar 2022 ti diatur Serakup Pemikir Dayak Sarawak (DTTAS) endang dilangkar kena ngenataika pemadah pasal peluang enggau bantu pelajar, latih enggau kuing kereja ungkup nembiak enggau ti udah nembuka pelajar ba sekula di negeri tu.
Program pelajar nya nagit nembiak ti udah ngambi peresa SPM enggau STPM enggau ke deka ngambi peresa perintah dalam bulan Ogos taun tu, awakka ulih meri ruang enggau peluang ngagai bala nembiak menua pesisir bulih penerang ke pemadu baru pasal nya.
Sekretari publisiti program Malvina Albert Klinsing madah, pemandang nya ila deka fokus n gembing enggau ngiring ti beguna amat ba raban n ya diatu, laban enti salah pilih nya deka meri penanggul ngagai sida dudi ila.
DTTAS deka ngatur program pelajar nya enggau chara nujah serata Sarawak ti deka di pejalaika belama ari siti pelilih menua ngagai siti pelilih menua, ti fokus ngagai kandang menua pesisir.
“Strategi tu beguna amat berindik ari ubah pelajar enggau pinta ba kereja ti suah agi beratka penyemela dalam kedua-dua perkara nya.
“Nya alai, nengah chara ngiri penemu nengah program tu ngaga bala nembiak ti udah ngambi peresa SPM enggau STPM, ti kurang mujur dalam akademik deka bisi peluang milih kus tauka bidang pelajar ti setipak enggau pelajar sereta minat sida,” tambah iya.
“Kami nemu mayuh bala nembiak ti bulih pemutus ti kurang ngemuaska ati sereta agi kakang ati ketegal dibalut bemacham pemutus, sekalika deka nampung pelajar ngagaui renggat ke tinggi agi tauka terus bekereja,” ku iya.
Nya alai, DTTAS deka nentuka program ti diatur nya ila, nyadi lalau ngagai bala nembiak ti udah abis sekula, ngaga pemutus ke betul sereta enda masau duit enggau jam, ti ngujungka sida telengka peluang ke manah agi pengudah nembuka pelajar.
Ku Malvina, DTTAS pechaya perambu kereja nya deka naydi muntang enti graduan bisi lalau ke betul pasal perambu kereja sida jemah ila.
“Majak mayuh peamdah ke diulih sesiku nya bekaul enggau kereja ke dipilih, nya deka ngasuh perambu sida nyadi manah agi.
“Kebendar iya, ngaga perambu kereja begunaka pemadah pasal kereja ti patut diperundingka ari mayuh bengkah sukut ke relevan baka penemu, pengelandik, latih enggau ke bukai ti digempung enggau penerang individu ti ngiga kereja, iya nya aspek kedua mega sama beguna,” ku iya.
“Nya alai, kami dekaka bala nembiak aktif ngena platform ti udah disediaka perntah ambika misyen enggau juluk ati DTTAS deka ngadaka nembiak ke pintar sereta lan dik ulih dikemujurka ngagai ikas ti pemadu maksimum,” ku iya.
Program ti diatur DTTAS nya mega bisi nerima kerejasama ari Yahos School of Skills ti dipasuk 12 institusyen enggau ejensi pelajar, pengelandik enggau kereja.