Nadai bida entara ekonomi digital, ekonomi manggai ba taun 2030
Semua segmen ekonomi deka dikerembaika sechara digital ngena ICT enggau teknologi digital entara menua: Abang Johari
KUCHING: Nadai bida entara ekonomi digital enggau ekonomi manggai ba taun 2030 berindik ari semua segmen ekonomi deka dikerembaika sechara digital ngena teknologi pemadah enggau komunikesyen (ICT) enggau teknologi digital entara menua.
Premier Sarawak Datuk Patinggi Tan Sri Abang Johari Tun Openg madah, tu nyengkaum pengawa ngelumbung, betanam betupi, kampung, kilang, kunstraksyen enggau servis.
Ku Menteri Peklara Wang enggau Ekonomi Baru nya, pengujung iya ila pekara tu deka ngangkatka produktiviti, asil, penyikar enggau nyendiaka peluang kereja ti ngembuan pengelandik tinggi ungkup staf perintah.
“Semua servis perintah deka diakses enggau mudah sereta selamat nengah chara online. Nya disukung ari bekunsika data enggau ngaga pemutus bepelasarka data kena ngenataika polisi, servis enggau program ti lebih ditujuka ngagai orang dagang enggau komuniti.
“Atur deka digaga kena nentuka Sarawak ngembuan envorimen siber ti likum sereta tejamin, kelimpah ari pengering kena maksimumka nilai digital,” ku iya madah lebuh nyimpul jurai Aum Kunsil Negeri (DUN) ditu, kemari.
Ku iya baru, semua inisiatif transformesyen digital dijangka deka nyaup urung 20 peratus ngagai Pemansut Kasar Dalam Menua (KDNK) Sarawak ti sepen
yampau RM56.4 bilion ba taun 2030.
Ku iya,nya deka ngadaka lebih 45,000 kereja baru begaji tinggi besai 80 peratus industri mit enggau jelan pemesai (PKS) ti ngemeranka ngena digital.
Abang Johari mega madahka Langkar Kereja Ekonomi Digital Sarawak 2030 deka dipejalaika dalam tiga fasa iya nya Fasa 1 (2025) neritka penyendia digital; Fasa 2 (2027) ngenyampatka transformesyen digital lalu Fasa 3 (2030) Sarawak Maju Sechara Digital.
Pelin kereja nya ku iya, netapka Sarawak ngena memanah peratus ekonomi digital global ambika tama ke dalam negeri nengah strategi ngemrembaika pejalai data meraka garis entara menua.
Nya ku iya, digaga nengah pengawa numbuhka palan data, meri seervis digital enggau beranakka puku digital ari menua luar sechara terus.
“Kami deka ngaga ekosistem
kena matak industri baru ti meri fokus ngagai palan data standard antarabansa, digital nengkebang isi enggau ngangkatka inovesyen digital enggau orang dagang.
“Kami ngalaluka sektor peribit ambika ngaul diri dalam ekonomi digital ti benung ngerembai. Nengah Pelin Kereja Digital 2030, sektor perib it deka bejalaika pengawa dominan nengah teknologi entara menua data besai, rentayan blok, IoT (Internet of Things), penyelesaian Kecederdasan Buatan (AI) enggau teknologi silik agi.
“Ba chara ke besai agi, tu deka mai empas ekonomi,ngagai mensia mayuh enggau rampa menua ti besai ngagai Sarawak,” ku iya.
Ku Abang Johari baru, deka terus ngaga infrastruktur digital ti tau ngemesaika agi bungkur sereta nyendiaka penyambung kelebih agi ngagai rayat di menua pesisir ungkup pemansang ti inklusif.
“Kena nentuka siber Sarawak likun, kami deka numbuhka tim Pengelikun Siber ti bededikasi ambika fokus bejalaika operasyen Langkar Kereja Pengelikun Siber bekaul enggau ngaduka pengawa enggau ngasi, undang – undang enggau polisi, nentuka dikasi sereta neritka adat, industri inovesyen enggau teknologi, kapasiti sereta nempa pengulih enggau kerejasama,” ku iya.
“Semua servis perintah deka diakses enggau mudah sereta selamat nengah chara online. Nya disukung ari bekunsika data enggau ngaga pemutus bepelasarka data kena ngenataika polisi, servis enggau program ti lebih ditujuka ngagai orang dagang enggau ” komuniti. Datuk Patinggi Tan Sri Abang Johari Tun Openg Premier Sarawak