Perintah Sarawak bebendar nentuka aktiviti nebang kayu nadai lisin ulih ditagang
Nitihka rikod kenyau ari taun 2020 nyentuk 2022, bisi 264 kes penyalah tu udah diripot
Dalam timpuh ti sama (2020 -2022), rega asil kayu ti dirampas iya nya sepenyampau RM4,027,150 sereta kompaun ti digumpul ba penyalah nya sepenyampau RM1.6 juta.
KUCHING: Perintah Sarawak komited nentuka aktiviti nebang kayu nadai lisin agi ulih dijaga sereta deka muntanka penyalah nya nyentuk ke pugu tauka akar umbi.
Sapit Premier Sarawak ti mega Menteri Pengeraja Asal enggau Pemansang Mengeri, Datuk Amar Awang Tengah Ali Hasan madahka kenyau ari taun 2020 ngagai 2022, bisi 264 kes penyalah nya udah dirikotka.
“Bisi 15 kes udah diregister ngambika didawa ba kort, sereta 12 kes udah mujur diputarka, lima iku orang ke disangka udah ditukuka salah, enggatu tiga (3) agi agi dalam proses bechara.
“Dalam timpuh ti sama (2020 -2022), rega asil kayu ti dirampas iya nya sepenyampau RM4,027,150 sereta kompaun ti digumpul ba penyalah nya sepenyampau RM1.6 juta,” ku iya lebuh ti nyimpul jurai Opis Menteri
Datuk Amar Awang Tengah Ali Hasan
Pengeraja enggau Pemansang Mengeri maya baum Kunsil Negeri (DUN) Sarawak ti diatur ba Kompleks DUN Sarawak ditu, kemari.
Bejaku baru iya madahka penanggul nebang kayu nadai lisin di Sarawak agi ulih dijaga.
Pemujur nya, ku iya, asil ari strategi neritaka adat bersepadu ti udah dipejalaika baka peminta politik ti tegap ari iring perintah Gabungan
Parti Sarawak (GPS) nengah chara numbuhka ‘State Task Force on Illegal Logging’.
Nambah nya, polisi ti terang sereta undang-undang ti tegap mega entara strategi ti mai pemujur.
“Pemujur tu mega asil ari
strategi neritaka adat bersepadu ke udah dipejalaika baka ngena teknologi moden baka dron, ‘satellite imaging’, ‘hyperspectral’, ‘geospatial’ enggau ke bukai.
“Komitmen enggau integriti tinggi ba bala pemesai
penerita adat, kolaboresyen enggau bejalaika tanggungpengawa begulai enggau agensi bukai, enggau bisi sukung ti tegap ari raban industri kayu ramu mega entara strategi ke dipejalaika,” ku iya.