Pelin Besai Pemansang Terminal Industri di Sarawak deka diputuska taun tu
Pelin Besai Pemansang Terminal Industri ba Sarawak deka ditetapka dalam taun 2023
Sapit Premier Sarawak ti mega Menteri Dagang Antarabansa, Industri enggau Pemeranak Puku Sarawak, Datuk Amar Awang Tengah Ali Hasan madahka pelin besai nya deka dipejalaika ba lima kandang endur lalu nyadi malin kena ngemansangka program ti holistik.
“Opis Menteri aku (Opis Menteri Dagang Antarabansa, Industri enggau Pemeranak Puku Sarawak) deka mutuska Pelin Besai Pemansang Terminal Industri di Sarawak ba taun tu.
“Enti udah tembu, Pelin Besai (Pelan Induk) deka mungkur lima (5) endur iya nya Kuching, Tanjung Manis, Tanjong Kidurong, Samalagu enggau Lawas deka nyadi panduan ngemansangka program holistik ti nyerungkai chara berani enggau inovatif kena ngubah Sarawak nyadi ekonomi maju lebuh manggai taun 2030,” ku iya.
Iya madahka pekara nya lebuh ti nyimpul jurai ungkup Opis Menteri Dagang Antarabansa, Industri enggau Pemeranak Puku Sarawak maya baum Kunsil Negeri (DUN) ti diatur ba Kompleks DUN Sarawak ditu, kemari.
Bejaku baru Awang Tengah madahka opis menteri iya deka bejalaika lima langgur besai dikena ngubah landskap industri enggau ekonomi
Sarawak nyengkaum deka ngemansangka Lawas nyadi hab industri ba ujung utara Sarawak sereta nentka rampa menua ti meruan nengah pemansang kuasa gadung enggau transformesyen industri bukai.
“Samalaju deka dikerembaika agi enggau lebih ngenatika sektor baru bepelasarka kuasa baru enggau industri kuasa gadung baka bateri enggau rantaian nilai ti bekaul, sama enggau industri gadung ti diubah baka ‘steel’ gadung enggau silikon.
“Nambah nya, Tanjung Manis deka diubah nyadi hab industri halal serantau, ti ngenati tauka fokus ngagai industri agroteknologi sereta confined environment agriculture, ekonomi karbon bepelasarka alam semula jadi enggau idnustri kayu ramau ti diubah.
“Sereta, Kuching deka nyadi hab industri bepenemu ti fokus ngagai industri elektronik beteknologi tinggu , hidrogen enggau ustri indpembuatan pintar,” ku iya nyebut entara langgur besai dikena ngubah landskap industri enggau ekonomi Sarawak.
Iya madahka pansik nya amat setipak kena meresa ba tengan penggal enggau Langgur Pemansang Malaysia Lumpar ke-13 ti deka datai bekaul enggau projek baru ke diguna kena nyapai batang tuju baka ti ditetapka dalam Strategi Pemansang Pengudah COVID-19 2030.