Komuniti Bidayuh patut nguasa bidang sains, teknologi baka bansa bukai
KUCHING: Komuniti Bidayuh diperansang nguasa bidang sains enggau teknologi setipak enggau pemansang dunya sereta ngambika ulih setipak enggau bansa bukai.
Prima Bidayuh ti mega Penyanding Penemu Gerempung Nasional Dayak Bidayuh (DBNA), Datuk Roland Sagah Wee Inn madahka, komuniti nya patut ngembuan penemu baka raban sainstis ulih belajar sereta bejalaika pansik dalam mayuh pekara.
Iya ngarapka komuniti Bidayuh ulih nyunto Premier Sarawak ti ngembuan runding ti jauhungkup negeri tu awakka ulih nangkap nama pekara dikemeratka perintah menua.
“Aku deka ke bansa Bidayuh mansang baka bansa bukai. Nya alai, dalam dunya moden sereta nama ti nyadi ngelinggi kitai, ngelinggi dunya, kitai kebendar iya kitai chukup jauh dibelakang.
“Baka ti disebut aku tadi, mayuh pekara ti bekaul enggau bioteknologi ti begunaka pengelandik sains, lalu lebuh aku nyenbut sains ukai reti meseti nyadi sains roket, ukai, enda ibuh ke bulan.
“Reti ku aku ditu, kitai (Bidayuh) patut ngembuan penemu pasal sains udah chukup baka belajarka pasal COVID-19, belajar bakani utai tumbuh enggau ke bukai. Aku deka ke mayuh agi Bidayuh nyadi saintis,” ku iya.
Menteri Pelajar, Inovesyen enggau Pemansang Bakat nya nyebut pekara nya dalam aum pengarang bebrita pengudah bejadi Aum Besai DBNA ke10 ti diatur ba Dewan DBNA ditu, kemari.
Maya bejaku ba pengerami nya, ngenang program ngemansang enggau nyaga jaku Bidayuh (BLDPP) program pelajar mayuh Jaku (MLE) enggau Kurikulum
Jaku Etnik (KBE) ba taun 2007, Kaban Kunsil Negeri
(ADUN) Tarat tu madahka DBNAudahberengkaheng
Iya madahka kamus begambar enggau lis leka jaku dalam Bidayuh Serian, Biatah, Bau enggau Salako udah dichelak.
“Sekolah Warisan Bahasa ti ngajar jaku Bidayuh udah ditumbuhka ba Serian, Siburan, Penrissen, Bau enggau Lundu.
“Juluk kitai ngarapka enda lama agi, enti jaku Bidayuh deka diajar nyadi mata pelajar (elektif jaku tambah) ba renggat sekula primary.
“Projek pemungkal enggau kerejasama Opis Pelajar Sarawak udah dipejalaika ba enam buah sekula primary ti tebal agi nembiak Bidayuh ba taun 2019, lalu bepelasarka timbal aria pai indai, pengajar enggau nembaik, asil iya positif. Sereta pengawa kitai diatu ngemansangka kurikulum,” ku iya.
Bekaul enggau aum besai, bisi 20 ari 21 pampang DBNA ti nyengkaum serata Sarawak enggau Pampang Klang Valley bisi datai ngulu aum besai nya ti lalu milih komiti baru.