Uggah ngatur pengerami nyambut pengabang Gawai Dayak ba BCCK kena 1 Jun

Sapit Premier Sarawak Datuk Amar Douglas Uggah Embas deka ngaturka Pengerami Nyambut Pengabang Gawai Dayak ba Palan Konvensyen Borneo Kuching (BCCK), 1 Jun tu.

Pengawa ngatur pengerami nya mega nyengkaum 16 iku menteri enggau sapit menteri ari perintah besai enggau negeri sereta Kaban Kunsil Negeri ari komuniti Dayak.

Ku Uggah, pengerami nyambut pengabang nya diatur berengkah ari pukul 10 pagi nyentuk 4 lemai.

“Kita meri besai terima kasih ngagai Premier Sarawak Datuk Patinggi Tan Sri Abang Johari Tun Openg enggau bini iya Datuk Amar Juma’ani Tuanku Bujang laban deka nyadi temuai ti dipebasaka kami.

“Mereka dijangka ngulu pengerami nya pukul 11.30 pagi,” ku iya madah nengah penerang berita, kemari.

Berebak enggau nya, Uggah nesau mensia mayuh datai ngulu pengerami nya sereta sama berami ngintu pengerami Gawai nya.

“Penatai kita semua (bala mayuh) amat dikelaluka kena ngichahka pengerami tu,” ku iya.

Ku Uggah, entara ketuai Dayak ti sama enggau ngatur pengeami nya iya nya Menteri Kereja Raya Dato Sri Alexander Nanta Linggi enggau Menteri Industri Pemakani, Komoditi enggau Pemansang Wilayah Sarawak, Dato Sri Dr Stephen Rundi Utom.

Samaq bisi enggau mega Menteri dba Opis Premier Sarawak Datuk John Sikie Tayai enggau Sapit Menteri ba Opis Menteri Besai (Pekara Ehwal Sabah, Sarawak enggau Kereja Khas) Datuk Wilson Ugak Kumbong.

“Bala bukai iya nya Sapit Menteri Pengangkut Sarawak Datuk Dr Jerip Susil,Sapit

Menteri Dagang Temuai, Industri Kreatif enggau Seni Pemerindang Sarawak Datuk Snowdan Lawan, Sapit Menteri Pemansang Infrastruktur enggau Penyangka Kapal Datuk Majang Renggi, Sapit Menteri Utiliti enggau Telekomunikesyen (Telekomunikesyen) Datuk Liwan Lagang enggau Sapit Menteri ba Opis Premier Sarawak (Pengereja Pengawa Kasar, Imigresyen enggau Matau Projek) Datuk Gerawat Gala.

“Kelimpah ari nya, Sapit Menteri Dagang Antarabansa, lndustri enggau Penyangkai Kapal Datuk Dr Malcolm Mussen Lamoh, Sapit Menteri Pengangkut Dato Henry Harry Jinep, Sapit Menteri Nembiak,Lumba enggau Main enggau Pemansang Orang Dagang Dato Gerald Rentap Jabu, Sapit Menteri Pelajar Inovesyen enggau Pemansang Bakat

Datuk Francis Harden Hollis, Sapit Menteri Pengerai Mensia Mayuh, Pengawa Berumah enggau Perintah Lokal Datuk Dr Penguang Manggil, Sapit Menteri Industri Pemakai, Komoditi enggau Pemansang Wilayah Sarawak Martin Ben enggau Sapit Menteri ba Opis Premier (Undang-Undang enggau Adat Bumiputera) Jefferson Jamit Unyat,” ku iya.

Ku iya, Menteri Besai Datuk Seri Anwar Ibrahim denggau bini iya, Datin Seri Dr Wan Azizah Wan Ismail dijangka datai ngulu Pengerami Makai Lemai Gawai DayakRenggat Negeri ba BCCK kena 7 Jun.

Sama engagu ngerichahka pengerami nya ila ku iya, Premier Sarawak Datuk Patinggi Tan Sri Abang Johari Tun Openg enggau bini iya, Datuk Amar Juma’ani Tuanku Bujang.