GDB medium ngenegapka tanggam kaul enggau pupu bansa bukai
MIRI: Raban bansa Dayak di negeri tu patut bejalaika tanggungpengawa sida ngenegapka penyerakup ukai semina ba sida aja, tang enggau bansa bukai kena nentuka Sarawak terus likun sereta majak maju.
Sapit Menteri Dagang Temuai, Industri Kreatif enggau Seni Pemerindang II, Datuk Snowdan Lawan madah, enti penyerakup rayat Sarawakmajak tegap, nya setipak enggau pengawa perintah ngemansangka negeri ti lalu mulaika enggau ngerembaika ekonomi rayat.
Nya alai ku iya, pengawa ngatur Gawai Dayak Bazaar di Miri taun tu endang nyadi siti ari platform udikena ngenegapka penyerakup ba raban bansa Dayak sereta nentuka tradisyen pengerami tu enda punas ditinggal jeman.
“Nya alai, aku ngansak bansa Dayak bejalaika tanggungpengawa nenetuka penyerakup ba sida enggau bansa bukai di negeri ambika semampai tegap, lalu aku besampika Gawai Dayak Bazaar taun tu nyapai juluk ti ditetapka sereta ulih meri empas positif ngagai tetiap serak pupu bansa ke bisi ngaul diri enggau tu,” ku iya.
Iya bejaku munyi nya maya bejadi Gawai Dayak Bazaar (GDB) 2023 ti diatur Serakup Gagasan Anak Dayak Sarawak (GADS) ba palan paking di kerita Pasar Baru Permyjaya ditu, bedau lama udah.
Teks jaku iya dibacha p engari iya, Sekretari Politik
Premier Sarawak, Susan Clement Ingun.
Bekaul enggau GDB 2023 ti diatur GADS ke diatu manggai ba taun ke-9, Snowdan madahka diri temegah ati laban nya ngelaika GDB ke diatur sebedau tu udah meri empas ti manah ngagai semua kelebih agi raban bansa Dayak, ari sukut ekonomi sida.
“Aku ngenataika pengaga ati ngagai Serakup Gagasan Anak Dayak Sarawak (GADS) laban sekali agi mujur ngatur Gawai Dayak Bazaarungkup taun 2023.
“Aku nyambut manah pekara ti diserangkung enggau ‘nilai ekonomi’ nengah pengawa ngatur program GDB tu,” ku iya.
GDB udah ditunda sekeda orang bukai baka gerempung ukai dikuasa perintah nengah kerejasama enggau perintah, ngatur bazar Gawai ba endur sida, beberapa taun ke udah.
“Nya ukai semina nyadi palan alai pupu bansa betemu tang mega nyadi medium alai terus ngenegapka tanggam kaul entara pupu bansa.
“Aku arap amat ati Gawai Dayak Bazaar tu ukai aja ngelakuka pemakai menua tang ulih mandangka adat enggau budaya raban bansa Dayak ti lalu ulih dipeda sereta diasaika orang ke datai kitu enggau temuai ari menua tasik,” ku Snowdan.
Ba pengerami nya, pengari iya, Susan ngungkup RM20,000 ngagai GADS, ti lalu nyadi kelai sukung ngagai pengawa ngatur pro gram nya.
Berebak enggau nya, ADUN Pujut ke mega Datuk Bandar Miri,Adam Yii mngungkupka geran RM3,000.
GDB 2023 idiatur berengkah ari 1 nyentuk 20 Mei tu. Bisi 62 buah bansal bejual udah dibuka lalu lebih 100 orang dagang bansa Dayak bisi enggau.