Perintah Sarawak sama sinu ke penusah bekaul enggau bilun engkabang belantak, labuh
Perintah Sarawak nengah delegasyen Lumba enggau Main Malaysia (SUKMA) enggau Para SUKMA XXI Sarawak 2024 sama sinu enggau tusah ati ke insiden dua bilun engkabang belantak sereta labuh di Pangkalan Soldadu Tasik Diraja Malaysia (TLDM) Lumut di Perak kena Hari Dua apin lama.
Sapit Menteri Nembiak, Lumba enggau Main, sereta Pemansang Orang Dagang Dato Gerald Rentap Jabu meri penyinu ati ngagai semua orang ti sebilik enggau sida ti bebadi nyawa ba penusah nya, nyerumba penemuai basa delegasyen SUKMA enggau Para SUKMA XXI Sarawak 2024 di Bilik Gerakan Opis Sekretari Perintah Perak ditu, ensanus.
Bepelasarka ripot berita Unit Komunikasi Awam Sarawak (UKAS), Rentap madahka penusah nya chukup ngenyinuka kelebih agi mega bisi siku anak Sarawak ti sama bebadi nyawa maya bejalaika pengawa ke menua.
Dulu ari nya, Chairman Komiti Pelajar Tinggi, Nembiak
sereta Lumba enggau Main Perak, Khairudin Abu Hanipah ngarika Kepala Menteri Perak dalam jaku pengelalu madahka, perintah Perak mega sedia nganjunt atlet enggau pegawai sida maya SUKMA enggau Para SUKMA XXI Sarawak 2024.
Ku iya, kontinjen Perak bisi juluk deka ngulihka mayuh agi midul emas seraya deka
nyadi champion ba taun tu.
Ngujungka pengawa penemuai basa delegasyen ngagai zon utara, bisi diatur pengawa nyauka surat kanggau SUKMA enggau Para SUKMA XXI Sarawak 2024 sereta betukar tepa entara Perintah Sarawak enggau Perak.
Sama bisi datai, Sapit Menteri Pemansang Indu, Nembiak Mit enggau Pengelantang
Komuniti, Datuk Rosey Yunusl Sapit Sekretari mendam Opis Menteri Nembiak, Lumba enggau Main, sereta Pemansang Orang Dagang, Dolhadi Mazuki, enggau Sapit Sekretari Mendam Opis Menteri Pemansang Indu, Nembiak Mit enggau Pengelantang Komunit, Nur Alina Abdullah Colliner Gohe.