U roucass dou Buse a Cabet
Situà au quartié de Cabet e enfroupà de vegetacioun qu semelha a u pianta esotica, a spiaja dou Buse, dame a sia aiga talament quià, douna sùbitou a pensà au païs loegn. E pura situà cinq a sie minuta a pen d’a gara de Cabet e se arriba per dou camin e scara proun rède… ou pu difichile essent a remountà ! A particularità d’aquesta spiaja se situa dintre l’aiga dame u se nou bauss qu er dounoun un cadrou ouriginale e qu, per u specialista, soun un testimoùnia de divers mouviment d’a terra qu se soun produshe ou long de couasta despù de milenari. Aquest bauss pourtoun de noum curious : la Dourmiousa, Brioche, Capéu de preire, l’Encuge, Bauss gross, Triangle, Fulana. Autre particularità d’a spiaja dou Buse : E spantegà de sourça d’aiga douça que se mesquioun a l’aiga d’a marina, que douna una sensacioun de frescous quoura se noua susa. Dou temp passà, u loub eroun noumbrous, da segù perqué aquer pesh stima l’aiga fresca. Un autre fouant gisca au pen d’una roca e se poure fachilament en bèure. Diretament pilhà int’a marina !
De Bruxenus à Buse
Per imaginà a nashença dou noum Buse u vercioun soun noumbroùs, specialament aquele que semelhoun a un aucé servage dou noum de buse (poulhana) qu aura poushù nihà una vota. Segoundou ou proufessoù de stòria Stephane Vilarem, mestre en la matièra, un document dou trezième sécoulou parla d’una terra, piaça souta ou païs de Rocabruna, que cara fint’a marina, pourtent ou noum de Bruxenus. Aquer noum significa Buis e se retrova en Italia dintre l’ourigina dou Buggio (un païs d’a varàia de la Nèrvia). Per countracioun, Bruxenus è devengù Buse au fi de sécoulou e aquest noum se limitava au des-e-nouvième sécoulou, a quarque prouprietà de familha Grana e Mouton. E tamben au des-e-nouvième sécoulou que ou quartié a pilhà ou noum de Cabet : Cabet signifiquent « ou pichoun cab » qu voure d? a pichouna pouncha dou Cab en counfrounta dame ou Cab Martin.