A legenda da catarineta ra bèstia de Nouaishe Signoù
Qù noun counoushe ra catarineta, ra bèstia de Nouaishe Signoù ? Mà, sabé perqué ese stacha stranoumàia aishì ?
Aquelou soubrenoum ese counoushù despù au sécoulou dieijh. A stòria di qu’un ome ese stach acusà d’un crime que n’avìa coumetù. Pèr aquelou ashashinament st’ome ese stach coundanà à mourì ent’a vila de Paris en presença dou Ré de França.
Ou jorn de r’esecucian, r’ome ralhava sempre ra soua enoucença.
Ou bòia avìa metù ra testa de r’ome soubre ou bilhan, prount à talhà-ri ra testa coura una catarineta s’ese pausàia s’ou coual de r’assassen. Dame precaucian, ou bòia a levà ra catarineta dou coual dou paure-ome e, torna, issava ra picossa pèr talhà-ri ra testa. Mà ra catarineta, testarda, retornava sempre à piaçà-se, pran de vote, au stess lueg.
Vehent acò, ou Ré Robert ou segound sounà ou Pìou (972-1031) a counsiderà qu’a catarineta coumpìa una missian divina e a gracià r’ome. Poc temp apress, r’assassen, ou verou sta vota, ese stach retrovà. A foula, que pensava qu’a catarineta era verament un messagérou de Dìou, r’a stranoumàia « A bèstia de Nouaishe Signoù ». Despù aquelou temp, n’i ese pu nushen que aurà de stòmigou pèr massà aquela bestieta « divina ».
Ancùi, a catarineta ese counsideràia couma un pouarta-fourtuna e ese devengùa r’amiga du jardenìe.
N’ese pa belou acò ?
Ingrédients : 2 oeufs crus, ail, sel et accessoirement de la noix de muscade.