Perqué una Festa dou Liman ?
Tout u anne Mentan festa ou liman. Ese que d’un temp, despù ou XVe sécoulou u limoù an fach a riquessa dou païs mentounasc e dou prenchipatou de Moùnigou. Culhavan finte trenta milioù de fruche souta quarque utanta mila limounìe, pèr manda-ru verse à Pologna, Germània, Danemark e d’autre luegue… Ou liman a fach prousperà r’ecounoumìa tantu sécouli passà e ese per acò qu’i fasema festa encara ahura. Ent’ou sécoulou XIX, aquela cultura coumença à descarà mà noun s’ese mai arrestàia e ancuhi repilha, encourajàia da munichipalità e de r’assouciacian pèr a proumoucian dou Liman de Mentan que a augù una certificacian geougrafica dou Liman de Menton (IGP).
Ou liman es ou simbolou da vila e a matriça de r’identità mentounasca. Es a r’ourigina d’un’ ecounoumìa fiourishenta, a moudelà a terra, dessegnà u païsage, marcà un modou de vita e una maniéra d’esse finte ente r’art e a festa.
Es’ en qu’apareishe pèr a prima vota ou noum de « Fête du Citron » scrich sus’a cubertura dou libret qu’ano : « mùsica en councert, seneta da culheta du limoù jugàia per a jouventura des Tradicioù mentounasque e dou teatrou du Pé Descausse de Marcel Firpo… » En , a festa s’engrandishe : (dam’una béla aficha de Béglia), Vature fiourìe dame limounaire e pescahoù, batalhe de fioù e de counfeti, seràia de festa au Casinò, spousician e vèndita d’agrume : limoù, citroù, pourtougale… Aquest’ ann, a utanta-setiéma festa aunoura « E Feste dou Moundou » : corso, jardì luminà, spousician, spetàcouli, mùsica, fièra du mestierante… e tamben a Festa de ourquidéa.
E per sabé-n’en de mai, se pouhe liege ou belou libret de Shou Martini de Chateauneuf « Menton, la Fête du Citron ».