Ë relìcure d’a Santa Aurèlia a Mùnegu
Cada anu, u primu de nuvembre, a gèija festa tüt’i Santi che sun stai briusi testemoni d’u Cristu. Tanti paisi se sun piyai ün santu patrùn prutetù, cuma Santu Patriçi per l’Irlanda o Santa Devota per u Principatu de Mùnegu.
Ma i Munegaschi an tambèn üna fèrvida devuçiùn per San Niculau, patrùn d’i fiyoei, d’i marinai e d’u Cumitau Naçiunale d’ë Tradiçiue Munegasche e per Santa Aurèlia, üna d’ë sante patrune de l’arcidiòcesi de Mùnegu, ma u so cültu s’è necheriu a l’iniçi d’u sèculu XIX. U cültu de Santa Aurèlia s’è üntrainau ün lüyu d’u per u matrimoni d’Àrcule Grimaldi, Marchise de Campagna, fiyu d’u Prìncipu Unuratu II, cun Aurèlia Spinola, fiya d’üna d’ë ciü prestigiuse famiye nòbile de Gènua e, d’aura ünlà, a santa à piyau üna magiura ümpurtança.
De fati, ë relìcure de Santa Aurèlia, vèrgine e màrtira, che sun stae retruvae ünt’a so’ tumba a u çementeri de Calixte a Ruma, erun cunservae ünt’a famiya Spinola. U pàire d’a fütüra spusa Luca Spinola l’à purzüu a u Prìncipu Unuratu II « perché achësta gluriusa santa degnerà benedì chële noçe. »
Ë rèlicure sun arrivae a u portu de Mùnegu u de lüyu d’u . U cüratu de San Niculau, Don Dumènicu Pacchiero, cun i capelai, i batü gianchi e negri, à reçëvüu « u relicari, serrau, üna ciave sigilà, e u so autènticu da Ruma scritu sciü ün libru de pergamìn » e l’à depusau ünt’a capela San Giuane Batista a u Palaçi. Poei, u d’austu, u vëscu de Niça, Munsignù Marenco, « à urdunau a prufescia e a traslucaçiùn per u lündemàn matìn, ün acertandu che se tratava ben d’ë relìcure e d’i osci de Santa Aurèlia, Vèrgine e Màrtira » dopu l’espertisa d’u dutù Bernardino Tiberti, mèdicu d’u Prìncipu Unuratu II.
E de fati, a dumènëga, u d’austu d’u , a prufescia sulena s’è üncaminà cun a cunfreria d’i batü gianchi seghia da u cleru e razunti d’a noeva cunfreria d’i batü negri vegnüa d’a Capela Santa Bàrbura – sci’a Piaça d’Arme (ancoei Piaça d’u Palaçi) – unde ghe stava a pustiçu, ün atesa d’a cunstrüçiùn d’a Capela d’a Misericòrdia. U relicari, purtau da dui canònichi sut’ün baldachìn russu cun sei aste, è stau depusau sciü l’autà magiù d’a gèija San Niculau unde è stà celebrà üna Messa puntificala.
A çinq’ ure d’a sëra, dopu u vespru, ün presença d’a Famiya Principesca, ë relìcure sun stae mësse ünt’üna nìcia ünsciü de l’autà d’a capela laterala San Sebastiàn unde gh’era u sepülcru d’i Prìncipi. Dopu a destrüçiùn d’a gèija San Niculau, ë relìcure de Santa Aurèlia sun stae traslucae ünt’a fütüra Catedrala unde ghe stan sempre.