Machiavel ün missiùn a Mùnegu a u mese de màgiu d’u
Ünt’üna precedenta crònica avëmu vistu che Mùnegu se n’era surtiu vincitù d’u longu assedi d’a Roca menau da i Genuesi ün - e che, dopu nümeruse peripeçie e cun a fermessa d’u zùvenu e valurusu Signù de Mùnegu Lucien Grimaldi, u rè de França Louis XII avëva renunçau tambèn ëlu â Roca e avëva recunusciüu l’ündependença de Mùnegu.
Pocu dopu, ün , tempi de marugi pulìtichi, üna noeva garruya è capità tra a Repüblica de Sciurença e a Signuria de Mùnegu a prupòsitu d’u dritu d’a marina. Dopu l’assedi d’u - , de fronte a grande dificürtae finançiare, Mùnegu à reclamau â Repüblica de Sciurença u pagamëntu d’ün veyu dèbitu cuntratau ün . Ma, a Repüblica de Sciurença nun vurëva pagà, alura, vistu u dritu d’a marina che permëtëva a ün creditù d’utegne d’ u so suvràn lëtre patente che l’auturizavun a agantà sci’a marina u nulègiu d’u debitù o d’i soi cumpatrioti, Mùnegu s’è ümpadruniu d’üna granda galera tuscana a u largu d’u Cavu Martìn, u « San Cristofu ».
Per pruvà a so’ bona vuruntà e mëte fin â garruya, Lucien Grimaldi à üntaurau neguçiaçie. Per aiçò d’aiçì, à mandau u so ciü briusu diplomata Antoni Lanteri che, dopu tanti trategnimenti cun u secretari d’a segunda cancelaria d’a Repüblica de Sciurença, u famusu Niculau Machiavel, à riesciüu a presentà ün prugëtu d’üntesa.
Alura, per cunclüde achëstu prugëtu d’ün patu d’üniùn e de navigaçiùn, a Repüblica de Sciurença à mandau a Mùnegu u meme Niculau Machiavel. È scàiji sügüru che Machaviel à segiurnau ünt’a vilà d’a famiya d’Antoni Lanteri, « A Mortola », sitüà tra Vintimiya e Mentùn e cunusciüa ancoei suta u nume de vilà « Hanbury » famusa per i soi giardìn butànichi cun tantu e prun de spècie cürtivae ün fasce. Ma è stau ünt’u so castelu de Mentùn, restaurau e ümbeliu ün , che Lucien Grimaldi à reçevüu u so oste e che u patu è stau firmau u de màgiu d’u , patu che stipülava franchesse cumerçiale ünt’i porti de Sciurença e ünt’achëli d’a Signuria de Mùnegu. Achëstu castelu, destrütu per tre vote da ë gherre e a pocu a pocu abandunau, è stau achistau d’a münicipalità de Mentùn u de nuvembre d’u cun l’idea de ne fà ün çementeri.
Sübitu dopu a firma d’u patu, Machiavel à lasciau a Signuria de Mùnegu per se ne turnà a Sciurença ma, l’anu dopu, u returnu d’i Medicis à pruvucau a so’destitüçiùn e u so esili ünt’a so’ residença de Sant’Andrea a u süd de Sciurença unde à scritu ë soe obre ë ciü ümpurtante.