Se H-1 bussie bied nou selfs nog meer as die vorige modelle!
Hyundai se bemarkingspan in Suid-afrika het, sedert die bekendstelling van sy petrolen turbo-diesel formaat H1reeks in 2009, uitstekend daarin geslaag om hierdie gewilde negesitplekbussie ‘n markleier hier te lande te maak.
Dit was veral die bloeiende toeristemark wat ‘n groot afsetgebied geskep het maar wat die laaste jaar noustrop getrek het onder drakoniese en ‘ n sinnelose wetgewing vanaf regeringskant.
Laasgenoemde is egter tot ‘n groot mate (en die verleentheid van die wetgewende department) reggestel en sal die passasiersbussie- mark hopelik weer, te midde van dalende verkoopsyfers vir nuwe voertuie, ‘n welkome hupstoot gee.
Sedert 2012 is Hyundai se H1-reeks uitgebrei met die toevoeging van die dubbeldoelige Multicab-model wat verkoopsyfers van die H1reeks tot meer as 12,000 modelle laat styg het. Meneer Stanley Anderson, bemarkingsdirekteur van Hyundai in Suid-afrika, het tydens die bekendstelling van die nuwe H1-bussie aan die begin van hierdie jaar dan ook geen twyfel gelaat oor hoe die bemarkingspan die toekoms sien nie.
“Met die bekendstelling van hierdie nuwe model met sy verbeteringe en toevoegings aan sowel die buiteaansig as die binneruim, is daar beoog om die rakleeftyd van die H1 te verleng.”
Hoewel die voorkoms van die verskillende modelle nie werklik veel oor die ses jaar sedert sy bekendstelling verouder het nie, sal die opgradering tog Hyundai in staat stel om met die nuwe passasiersbussie sy Duitse mededingers ( Volkswagen en Mercedes) behoorlik die stryd aan te sê.
Die H1, met sy nege sitplekke, 842-liter bagasie-ruimte en uitstekende uitsig, bied aan die operateur, in familie- of toerismeverband, optimum waarde vir juis dit waarvoor die voertuig aangeskaf word, naamlik RUIMTE maar ook gekombineer met stylvolle en luuksueuse GEMAK.
Die stuurwiel en rathefboom spog nou met leerafwerking en laasgenoemde is op die sentrale konsole gemonteer om nog verdere gemak en ruimte te voorsien.
Die instrumentepaneel se aansig is ook gemoderniseer, sy paneelkissie het ‘n verkoelingsfasiliteit, lugversorging is eintlik klmaatbeheer en tesame met die elektriesbeheerde spieёls en spoedkontrole bied die Hyundai gerieflike en gerusstellende vooruitsigte vir ‘n lang rit.
Wat veral byval sal vind is die feit dat die drie rye sitplekke elkeen hulle eie lugreё ling ontvang hoewel die derde ry sitplekke ongelukkig nie kan plat slaan nie.
Veiligheidskenmerke is ook opgegradeer deur toevoeging van sylugsakke tot dié van die voorste twee. Die ABS- remstelsel is ook verder verfyn met die ondersteuning van EBD (elektronies beheerde remkragverspreiding vir beter voertuigkontrole in die geval van noodaanwending.
Aan die buitekant spog die nuwe Hyundai H1 bussie met ‘n nuutontwerpte sierrooster, nuwe buffers en stylvolle 16duim allooiwiele hoewel die paneelwa met staal-vellings toegerus is.
Sover dit aandrywing en ander meganika betref het Huyndai se ingenieurs by hulle beproefde enjins gehou.
Vir die H1- bussie reeks is daar ‘n 2,5 liter turbo-diesel outomaties en ‘ n 2,4 liter petrolenjin met handratskakeling beskikbaar.
Die 126kw en 224Nm petrolenjin-model se spesifikasies dui op ‘n 10,2 liter/100km brandstofverbruik.
Hoewel die dieselmodel een kw minder krag bied en ongeveer 100,000 duurder is, bied die voertuig ‘ n beter brandstofverbruik van nege liter/100km en 44Nm meer wringkrag.
Dit was veral laasgenoemde aspek wat gedurende die toetsbestuur baie sterk en opvallend na vore gekom het.
Die turbodieselenjin verskaf verstommende versnelling en krag vir ‘n voertuig van hierdie omvang terwyl die outomaties ratkas stil, sag en grasieus sy kant bring.
In die geval van ‘n vol vrag passasiers met bagasie en ‘n moontlike sleepwa sal die ekstra wringkrag ‘ n lang tog baie vergemaklik en veraangenaam. Dit sal ook die verbysteek van ander voertuie op die lang pad makliker maak.
H1-bussie is op die oomblik die markleier in terme van krag, spesifikasies en prys indien dit vergelyk word met sy bekendste mededingers, naamlik Ford se Tourneo, die Mercedes V-klas en VW se Kombi/caravelle. Die splinternuwe Hyundai H1- passasiersbussie beset op die oomblik ‘n leidende 21,5% van die markaandeel wat ‘n 6,9% styging sedert verlede jaar toon en hoewel dit ‘n dalende tendens toon (wat vir alle nuwe voertuie op ‘n jaar tot jaar basis geld) behoort die nuwe H1 hierdie neiging vir Hyundai om te draai.
Die volgende pryse was teen Julie 2016 van toepassing op die H1-reeks:
H1 2.5 Diesel 9-sitplek A/T H1 2. 4 Petrol 9- s i t pl ek H1 Multicab 2.5 Diesel 6sitplek N$526,000 H1 P/V 2.5 Diesel 3-sitplek By die bogenoemde pryse is ingesluit die ongelookflike Hyundai 7-jaar/200,000km waarborg met padbystand en ‘n diensplan vir 5-jaar of 90,000km.