Buhari ina hala we Nigeria a lande iikulya tayi zi kondje
Presidente Muhammadu Buhariokwagandjaelombwelo kombaanga yopokati, ano koCentral Bank of Nigeria opo yi kandeke elanditho lyiikulya yaza kiilongo, nelalakako opo a kokekeuunamapyamoshilongi noku humitha komeho oongeshefa dhokulonga iikulya moshilongo
Ta ti omashisha gomoshilongo naga tulwe iikulya ya longwa moshilongo naakwashigwana moNigeria naya hulithe po okwiikolelela kiilongo yokondje ngele tashi ya kiikulya.
“Ina mu gandja nande othilinga komuntu gumwe opo a ete iikulya moshilongo,” omupopiliko gwe osho a nyola ngawo koTwitter.
Nigeria oye oshilongo shaAfrica shoka oshiyamba ngele tashi ya koshimaliwa, oshike oshi ikolelela koku eta mo iikulya tayi zi kondje yiilongo opo shi vule okutekula aakwashigwana mboka yeli lwopoomiliona 200.
Buhari, okwa sindana omahogololo petameko lyomumvo nguka lwoshikako oshitiyali, nokwali a uvaneke kutya otaka koleka eliko ndjoka lya li lya gwa pevi pethimbo shoshikako she shopupresidente shotango
Nigeria oye oshilongo oshinene muAfrica shoku longa omahooli niimaliwa mbyoka hayi zi motax yomahooli ohayi tulwa mokulanda iimaliwa yiikulya tayi zi kondje yoshilongo, iilongithomwa ya nathangwa nomomahina omanene, kondje yoshilongo.
Momumvo 2018 omo amuke, oshilongo shoka osha longitha oomiliona $503 moku eta mo iikunomwa yopaunamapya, oNational Bureau of Statistics osho ya lopota. Oshimaliwa shoka osha yi pombanda noopelesenda 25.84 mo2019.
Moshikako she shotango, Buhari okwali a indike opo moshilongo moka kaamu etwe we olwiishi ta lu zi kondje. Elalakano okwali okutsa omukumo aantu mboka haya limi olwiishi opo ya indjipaleke iikunomwa yawo, ashike shika osha eta owala opo aantu ya yakele moshilongo ootona odhindji dholwiishi oku za poshishiindalongo Benin.
Iiwike iyali ya za ko ombaanga yopokati oyakeelela mboka haya eta omahini moshilongo opo kaaya futwe niimaliwa kaayi shi yomoshilongo, taya ti aantu moshilongo naya tsuwe omukumo opo ya longe omahini ga gwana moshilongo.
Ashike oombaanga dhopaumwene otadhi ti ina dhi kutha ko nawa elombwelo lyomupresidente, oshoka ngele odha ningi ngaaka, omaludhi giikulya yimwe ota ga kala ga pumba naashika otashi eta opo iikulya yi kale yi na ondilo.