Okanona ka kanene ka monika konima yomimvo 18
EBENEZER QUIST – Okanona hoka ka li ka kana sho ka li ashike ke na oomvula mbali oka li ka monika konima yoomvula 18.
Samuel Nii Quaye okwa kala a noku tekulwa konganga ndjoka a kala a itaala kutya oyo naku mu vala, sigo opaife sho a dhimbulula kutya ofamili ndjoka ye mu tekula kayi shi ye.
Samuel okwa tameke olukongo lwahe nayina nokwa sindana. Otaku hokolwa kutya Samuel Nii Quaye, okamati hoka ka li ka kana sho ka li ashike ke na oomvula mbali ngashiingeyi okwa monika noku na yoomvula 20. Oshikundeneki shoAtinkaonline.com osha koleke kutya omulumentu nguka okwa monika konima sho oraadiyo yasho yoAtinka FM ya li ya gandja ehokololo lye mombepo, shoka sha etitha opo aapambele ye yoshili yeke mu konge.
Omumati nguka ta hokolola kutya okwe ke shi mona mo ashike kutya aantu mboka ye mu tekula kaye shi aakuluntu ye, konima sho omukulukadhi gwonganga ndjoka a li a si.
Ta ti shika okwe shi dhimbulula sho edhina lye lya kala inaa li kwatelwa mo momusholondondo gwaanona yanakusa. Sho a pula aamwayina oye mu lombwele kutya hamo a valwa megumbo, okwa etwa mo megumbo oomvula 18 dha yi. Okuza esiku ndyoka, okamati haka oka tameke okukonga aavali yako, sigo ka yi nokoradio. Okwa lopotwa oofamili dhi li ine dha li dhaka dhengela kooladio kutya oya li ya kanitha uunona wuumati wu na oomvula 18 lwaampoka dha pita po.
Oofamili ndhika odha li dha pulwa dhi ka ninge omakonaakono go-DNA. Yina yokanona okwa li a lili omahodhi genyanyu konima sho sha li sha kolekwa kutya okanona okawo, nokwa ti: “Kalunga omunene”.