Eendohotola moCross River shaNigeria da ya mekangha
Eendohotola moCross River shi li moumbangalanhu waNigeria oda tameka ekangha olo kuhe shivike kutya otali xulu naini, molwa omalongekido oCovid-19 oo inaa yela nawa.
Cross Rive oye ashike oshitukulwa moNigeria omo omivalu dovanhu va kwatwa kombuto oyo ihadi valulwa shi li melandulafano. Ekangha eli ole ya konima ashike yomafiku manini eshi omukulunhu woshipangelo osho shili yoo ofikola yovalongwa moilonga youndjolowele University of Calabar Teaching Hospital Dr Ikpeme Ikpeme, a shifiva kutya moshipangelo omo omwa konaakonwa ovanaudu ve li vatano na aveshe ova monika ocoronavirus. Mombapila ya nyolelwa komukulunhu wouhaku nosho yo kominista youhaku, eendohotola oda ti odi na elikwato pomutima molwa omukalo oo oibofa yoCOvi-19 tai ungaungwa nayo moshilongo.
Tava ti opali omakonaakono a ningilwa vali ovanhu vatano moshipangelo natango osho hashi longo shedina University of Calabar Teaching Hospital, ashike fiyo onena oidjemo yomakonaakono oo inai etwa pouyelele.
Tava ti ove udite kutya eemwenyo deendohotola odi li moshiponga moshitukulwa omo. Omunashipundi wehangano leendohotola domoshitukulwa Dr Agam Ayuk, okwa ti oilyo yaye ita i shuna ko koilonga ofimbo ina pa tulwa omalandulafano oku kandeka ombuto, oyo ku wetike kutya otai tandavele ya fa epeya moshitukulwa.
Komishina wouhaku moshitukulwa Dr Betta Edu, okwa ti omukalo oo tau li himbatwa nao koondhotola ovo owa tula eemwenyo dovanhu omamiliona moshiponga.