Oosikola nadhi pule epitikilo lyokuunganeka omaudhano omanene-NSSU
ONGONGAHANGANO yomaudhano yoosikola Namibian Schools Sports Union (NSSU) olya li lya pula oosikola ndhoka dha hala okuunganeka omaudhano moka tamu ka kala aantu oyendji, opo dhi konge tango epitikilo kongongahangano yuudhano woosikola nenge komahangano gamwe ngoka ga uthwa.
Omukwatakanith gwoNSSU Solly Duiker momushangwa gu uka kiikundaneki mOmaandha okwa ti Namibia ngashiingeyi oku li monkatu ontine yepato lyoshilongo ndjoka ya pitika omaudhano ga tameke nokugwedha po kutya NSSU oyi lile pop o uundjolowele wuunona wosikola, aanambelewa osho wo aaholi ayehe yomaudhano. Onkene osha simana okukaleka po ehala lya ngungumana muudhano mboka wu na omakwatathano. Ta ti oosikola ndhoka dha pumbwa omapitikilo otadhi ka pewa uuthemba dhi ye komeho ngele otadhi adha omakankameno ngoka ga tulwa po, mwa kwatelwa oothewa dhokwiiyoga osho wo okupupa uupyu waantu ayehe mboka taya yi muupale. Aantu mboka itya ka pitilila aantu 250. Nguka ogwo omulandu gwa tulwa po kepangelom opo ku keelelwe etaandelo lyomukithi, Duiker ta ti ngaaka.
“Osikola nayi kale ya gwanitha po omilandu adhihe. Shika otashi ka kwashilipaleke kutya oosikola otadhi iyutha komilandu dhokukeelela Covid-19, omanga NSSU nomahangano galwe taga ka tala nawa omaudhano ngaka kutya omilandu odha landulwa,” ta ti ngaaka.
Ta gwedhwa po wo kutya oosikola inadhi pitika aanasikola mboka taya ulike omandhindhiliko goCovid-19 ya dhane, osho wo aanambelewa, ndele naya kale komagumbo nokukonga ekwatho lyopaunamiti.
Okwa gwedha po wo kutya NSSU nomahangano galwe mwa kwatelwa uuministeli womaudhano, aagundjuka nomithigululwakalo oga pewa oonkondo dhokutala kutya omilandu otadhi landulwa, naashika otashi ka ningwa mekwathelo lyaanambelewa yokukaleka po ooveta nelandulathano.
Jose Mourinho okwa li a sindana uudhano we 200 moliga yaEngland
Omudheuli Jose Mourinho okwa li a sindana oshikando oshi-200 moPremier League sho Tottenham ya li ya dhenge Everton ongulohi yOmaandaha – ashike nonando ongawo aadhani yosipana yimwe, Tottenham, Hugo Lloris naSon Heung-min oya li ya hangukununwa. Olugodhi okonyala lwa tukuka sho aadhani ya li taya yi pokafudhepo sho kaputaina gwoSpurs a li a tondokele kuSon noku mu undula mombunda. Omudhani gwaSouth Korea okwa li a kambadhala oku ikanyuna ashike okwa li a kuthwa po kuyakwawo, omanga yakwawo ya li ya kutha po Lloris. Ashike mbaka yaali oya li yi ipapatele sho uudhano wa pu.
Eipumomumwe ndika lyopokafudhepo olyo konyala oshingwanima osshinene muudhano mbuka, konima sho Michael Keane a li a tula mo okoola mokoola ye mwene.
EsindanondikaolyafalaTottenham puutihetatu, iitsa ine konima yoWolves ndjoka yi li puutihamano, Everton oku li ponomola 11 moliga.