Nombunga mpatanesi kuna kurwanesa SWAPO
Nombungapolitikadakaraasimpombongarero zanavenye kuna lipakerere omu dina kutjilisa mbunga zaSWAPO asi tavazi kompanguro morwa mavango nye aga gakara gonokomitiyee omu mbunga zaSWAPO vana hara kugusa mavango nagenye vakare vanasipundi novanasipundi gona morwa ngesi awo kuna kuoma asi kapi yina wapa omu vana litumbura velike. Nombunga mpatanesi kadilipakerere dirwanese mbunga zaSWAPO omu kayikere asi ngano vahepa nye nawo wombunga mpatanesi vavapeko mavango gamwe. Awo kuna kulimona asi yiwo vanzi vana kara novantu ndi vahameni wokupira kukara asi vaministera, makura ngano vana wapere kukara vanzio mwankenye komitiyee. Nye vana divara asi nkenye mbunga politika kwawizapo pwazene. Awo ngesi kuna parapo asi kapi navayipulisira asi SWAPO simpe akare novantu wovanzi monokomitiyee dombongarero zanavenye, yimo ana kutanta mpitisili gombvunga zaPopular Democratic movement McHenry Venaani, omu ana kutanta asi udemokoli wokombongarero zanavenye ngesi kuna ugusa SWAPO. ‘’Ose ngesi tuna siki nye pontambo zokutanda asi kapi tuna diva omu naturugana, ose tuna kara novantu wovanzi nye mbunga zaSWAPO, kuna hara kurugana moomu mwanare, varuganese tupu nonkondo dawo vahana kukwama ngendeseso. SWAPO simpe ‘’Eyi tuna hara kutantera muhoko asi ose nare tuna pura vahahende kuvhura tukahagere kompanguro zonene zikagusepo udigu ou. RDP president Mike Kavekotora noveta degendeso mbongarero zanavenye kuna kudiruganesa mepuko mbunga zaSWAPO, nampili ngomu vana kuyimopna asi awo vasesu nye kapi vana hara kuyizuvha oyo, ose ngovahameni wokupatanesa tuvanzi. Ose eyi tuna kuhuyunga asi komitiyee ezi zakara nye asi yizo azigendesa mbongarerio zanavenye kapi vana kuzikwama makura yiyo yina kumoneka asi vaSWAPO vanzi unene nye ose kuna kuyimona asi twahepa kukara vanzi. Mokukwama nongendeseso edi dakarapo pontambo zokuzeruka kutanta asi tupu zina kutameka mbongarero zanavenye, vahepa kutulisapo nokomitiyee odo unene zegendeso zahakara asi vantu ntantatu, nye nombunga nadinye dina kara mombongarero zanavenye vahepa kukakaramo. Mbonagrero zanavenye ngesi kunakara nonokomitiye ntantatu. Muna kara asi zoekonomi, zopublic accounts, zonoveta, zeyi yopnze zosirongo, zegendeso uhwi wepangero, zomarunone, zoparudi vharwa ntani zokugava nye nombudi ndi asi mapukururo. Pwanare nokomitiye odo kukaramo wovanzi vaSWAPO, morwa kukara kwawo asi vanzi mombongharero zanavenye, ngendeseso ezi ana kumona Venaani asi kapi nayihoroka hena posiruwo esi. Mbunga zaSWAPO kuna hara kuruganesa nokomitiye vahafeseko vantu vawo owo vasigako, makura nye posiruwo esi kapi nayihoroka yangoso, yimo simpe ana kutanta Venaani. Mokugusako nye mokutara asi yinke yina kuhorpoka, awo simpe kugwana eyi ayitundu mombongarero zanavenye ava gava asi komitiye zongandi zahepa kukayirugana.
Mokukwama nye edi veta, sintokorwa 63(2) kuna kutabnta asi nokomitiye odo ngadirugana yirugana yado awo kuvatura nye vatarere nomberewa, noministeli nonokampani nkenye adigwana yimaliwa kepangero kukwama omu zina kutanta veta zombongarero zanavenye. Yimo nye zina kutanta veta zawo ezi zombongharero zanavenye.
–