Dier a pewa egeelo sho a ponokele omuyambidhidhi
Eric Dier okwa ikala kutya eyihumbato lye olya li lya nika oshiponga nokwa lombwele ompangu kutya okwa li ta gamene mumwayinamati. Omudhani gwomokati gwoTottenham Eric Dier okwa pewa egeelo lyuudhano une kondje nokufutithwa £40,000 sho a li a londo epalaviyuna opo a ka ponokele omuyambidhidhi konima yuudhano muMaalitsa.
Oshiningwanima shika osha li sha holoka konima sho Tottenham ya li ya dhengelwa megumbo, noku umbwa mo mekopi lyo-FA
Cup koNorwich City. Shika osha hala kutya egeelo ndyoka lya pewa omunamimvo 26 nguka otali mu kaleke kondje yuudhano awuhe wa kala ko, kakele ashike kuudhano wumwe.
Dier okwa li wo a takelwa omunwe kombinga yomaihumbato ge monakuyiwa koFA. Omushangwa ogwa ti: “Omudhani gwoTottenham okwa itaala kutya omayihumbato ge konima yuudhano wawo noNorwich City kaga li mondjila ashike okwa tinda kutya oga li ga nika oshiponga. Okakomisi ki ithikamena oka mono omayihumbato gaDier ga li ga nika oshiponga.
Oshiningwanima shika osha li sha holoka momasiku 4 Maalitsa medhingoloko etitano lyekopi lyo-FA sho Tottenham a dhengelwa koopelenti, nonande Dier okwa li a tula mo. Ta popi ethimbo ndyoka, omudheuli gwoTottenham Jose Mourinho okwa ti kutya omuyambidhidhi okwa tuku Dier konima yuudhano.
Opelenti ya Zlatan Ibrahimovich oya li etameko lyookoola tadhi loko dho-AC Milan sho ya zi konima okudhenga oJuventus pokapale koSan Siro. Konima yedhingioloko lyotango ndyoka lya li tali nyanyudha, Milan oya li ya tula mo ookoola ne medhingoloko etiyali, konima sho ya li ya tulwa 2-0 kaadhani yoJuventus Adrien Rabiot naCristiano Ronaldo.
Okoola yaIbrahimovic mominute 62 oya li ye ya pe omukumo, manga Franck Kessie naRafael Leao oyo ya li ya tanauna eyalulo mominute ashike ntano. Ante Rebic okwa li a tula mo okoola ontine sho ku na ashike ominute 10 uudhano wu ze pondje.
Sho ya dhengwa ngeyi, osipana ndjika yaMaurizio Sarri oya li ya palutha okuya komeho niitsa omulongo, sho mboka ye li puutiyali, Lazio, ya li ya dhengwa 2-1 koLecce kuyele mEtiyali. Osha li sha pula aatalelipo sigo okominiute dhahugunina dhedhingoloko lyotango ya thangele etanga mokoola, ashike okoola ndjoka ya ka tulwa mo kuRabiot okuza kondje yokakelenga oya li ya pe uudhano mbuka omwenyo.
Ronaldo, ngoka a ningi omudhani gwotango okutulila mo Juventus ookoola 25 moshikakomumvo shuudhano shimwe ashike okuza mo 1961, okwa li a tula mo okoola ontiyali yoJuventus. Ashike opelenti yaIbrahimovich, ndjoka ya li ya gandjwa konima sho Leonardo Bonucci kwa tiwa okwa kwata etanga. Milan oya li ya tula mo okoola ontiyali ya tulwa mo kuKessie.