Mosimane
OMUDHEULI gwoMamelodi Sundowns Pitso Mosimane okwa li a taamba ko aadhani ye nawa sho ya galukile komaidheulo oshikando shotango muule womasiku 100, konima sho omaudhano ga li ga kalekwa muMaalitsa. Sundowns oya gongala pohotela yedhina Royal Marang moRustenburg .
The Brazillians, ngaashi osipana ndjika ya tseyika nawa noshilukadhina shawo, oya li ya taamba ko omudhani gwawo omupe George Maluleka.
“Kashi shi oshipu, onkalamwenyo ompe,” Mosimane ta ti ngaaka.
“Oshidhigu okuendaenda nomamask, itatu fudha nawa, ashike otu na oku iyutha koompango. Otu na wo okugandja oshiholelwa oshiwananwa moshinima shika.”
“Opo ashike twa tsakanene mpaka. Oshidhigu kashona oshoka moshito ohatu monathana pethimbo lya uthwa nohatu ipapatelathana, ashike inatu shi ninga nando pwa pita oomwedhi ndatu inaatu monathana.”
Shoka oshiwanawa osho shoka kutya otwa tsakanena. Ohatu imono ashike komalungula, tatu longitha oWhatsapp, hoka hatu ikundu oshoka uuna kehe gumwe te ya oha yi ashike mondunda ye ngaashishauthakoondohotola.Onkene ohatu popithathana naadhani okupila koWhatsapp. Oshinima oshilimbiliki ashike onkalo osho yi li ngaaka ngashiingeyi. Out na okusimaneka oompango dhokukeelela etaandelo lyoCovid-19 noku uva ko oshinima shika,” Mosimane ta ti ngaaka.