Venaani ota ti Opuwo yokUushayi oyaPDM
Omupresidente gwongundu yoPopular Democratic Movement president McHenry Venaani okwa ti ongundu ye itayi ka kanitha oshipundishomoshikandjohogololoshOpuwo yokuushayi, pethimbo lyomahogololo gopaitukulwa geli komomasiku 25 Novemba.
Venaani dhika okwe dhi popi pethimbo a yi moonkundathana noNampa mEtiyali, ta ti oshikandjo hogololo shOpuwo Rural osho shimwe shomiilopolwa moka PDM ta tyakaleka, ta ti oonkondo dhoka PDM ena mOpuwo Rural odha faathana owala nomoshikandjo hogololo Epupa. Ta gwedha po ta ti Swapo ngele okwa tegelela a ka mone ko sha kiitopolwa mbyoka iyali –‘ota ihepeke owala, oshoka kashi na esiku nashi ningwe.’
Shika okwe shi popi ta yamukula komapulo nenge omapyopyo kutya swapo ngashi ngeyi okwa ya mo oonyala moshitopolwa shoka shali sha tseyika nawa onga oongudhi dhaPDM.
Ashike omukwatakanithi gwoSwapo moKunene Tuarungua Kavari okwa lombele Nampa moonkundathana yedhi ningile omasiku ngaka kutya ongundu ye oyi na oku kwata ko Kunene alihe mwa kwatelwa Opuwo Rural. Omukumo gwe okwa li gwa kolekwa kuTjakazapi Mbunguha ngoka a ulikwa koSwapo onga omuulikwa oye awike gwongundu taka thikama momahogololo tage ya. Ashike Venaani ota ti ngoka
“omayambandjodhi.” “Onkambadhala yoku kutha ko oshipundi koPDM mOpuwo Rural owa fa owala omuntu tuumbu omisile eli mokawato. Okawato oke na oku tenguka. Opuwo Rural oyetu otuli mo twa pama,” Venaani ta ti ngaaka.
Okuza sho oshitopolwa shoka sha tendululwa nosha ningi miikandjohogololwa yOpuwa yokuushayi nOpuwo yondoolopa, PDM oye a kala ta dhana onkandangala kOpuwo yokuushayi. Kansela ngoka eli kOpuwo Rural ngashingeyi oye Uaurikua Kakuva, ngoka a pingene po Kazeongere Tjeundo. Tjeundo okwa thigi po oshipundi shuukansela opo a ka kuthe oshipundi kegumbo lyomutumba gwopashigwana kuyele nuumvo, hoka natango eli ko onga oshilyo shoPDM. Venaani ta gwedha po wo ta ti PDM otaka kutha ombinga momahogololo kiikandjohogololwa ayiye 121 moshilongo pethimbo lyomahogololo gopaitopolwa. Kombinga yokwiimanga kumwe noongundu dhilwe dhopapolitika, Venaani okwa ti PDM nonatango ina ninga etokolo ngele oteki imanga kumwe nongundu yontumba.
Ta gwedha po ta ti ookansela yaPDM mboka ngashingeyi yeli kiipundi natango oye na uuthemba gwokushununa mo momahogololo ya hogulululwe, ta ti shika oshili oshitopolwa shuudemokoli.