Kape na shoka tashi ka keelela tu tote epangelo epe – Joe Biden
OMUULIKWAPRESIDENTE gwaUSA Joe Biden mEtiyali okwa li a ti kape na shoka tashi ka imba epangelo epe lyi ye koshipundi, omanga Donald Trump a li a tula mo iipotha miitopolwa yontumba sho a hala okudhamatela koshipundi.
Ongundu yaTrump oya ti otayi ka tula mo oshipotha opo ya indike oshitopolwa shaMichigan kaashi koleke Biden onga omusindani hoka sigo epangelo tali gandja uumbangi kutya omawi ngoka ga hogololwa oge li paveta, sho Trump ta ti opwa longithwa uulingilingi.
Aatseyinawa yoveta oya ti kutya ondjila ndjoka ya kuthwa kuTrump oyi na okampito ashike okashona okulundulula iizemo, naanambelewa yepangelo oya ti kutya kapwa li omapuko momahogololo gomasiku 3 Novemba.
Omanga aayambdidhidhi yaTrump oya li ya dhengwa ondhimbo moPennyslyvania sho ombangi ndjoka ya li ya ti opwa li pen a uulingilingi ya ti ndhika kadhi shi dhoshili, shi ikwatelelea kuuyelele wa za momakonaakono. Omapopyo guulingilingi taga ningwa kuTrump itaga endele pamwe
naangoka goshigwana. Konyala Aamerica 80%, mwa kwatelwa etata lyaamboka yongundu yoRepulicans oya taamba ko
Biden onga omusindani, shi ikwatelela komapekaapeko gomalolelohogololo goReuters/Ipsos. Aaleli aakuluntu yamwe yongundu yoRepublicans, mwa kwatelwa omutotiveta Mitch McConnell, oya ti Trump oku na uuthemba wokupataneka esindano lyaBiden, nayalwe oya li ya yi mewi lyomupresidente kombinga yuulingilingi nonando kape na uumbangi. Meholamo, yamw yomongundu ye oya ti kutya Trump na gandje uumbangi woshili mbala opo ye mu yambidhidhe.
Biden okwa li a sindana omawi ge vule po270 goElectoral College ngoka ga pumbiwa okusindana uupresidente, shika osha li sha ningwa sho a li a sindana po oshitopolwa shaPennyslyvania mOlyomakaya konima yomasiku gane gomayalulo, ngoka ga li ga katekwa omolwa omukithi gwoCovid-19.
Moshipopiwa she moDelaware, Biden okwa li a ti osipana ye otayi yi komeho nokutota epangelo epe opo ya ka langekwe momasiku 20 Januali kutya otashi pula shike.
“Otatu kay a komeho, nelandulathano, tatu tula kumwe epangelo lyetu, egumbo lyepanglo, nokutala kutya oolye tatu ka tula mokabinete, na kape na shoka tashi ke tu nkeelela,” osho a ti ngaaka mEtiyali. Biden ta ti oshisithahoni sho Trump inaa hala okutaamba ko iizemo yomahogololo.