MOhangwena ya mono omeya

Aakalimo y amw e yomoshitopolwa shaHangwena ya mono omeya gayela, konima Uuministeli wunamapya, omeya netopolo lyevi wa gandja oondoloma dhomeya moshikandj ohogololo Omundaungilo. Omikunda dhoka dha mono omeya omayelele ngoka ha gazi kohi yevi odho Eexwa, Okalundwena, Ohehonge ,Onaupanya osho Eneepinga. “Minista guunamapya, omeya nomavi Carl Schletwein okwa ti, oya yambidhidha nomandoloma ngoka okutulwa omeya taga zi kohi yevi ngoka haga taga ithanwa “Aquifer 2”,” Schletwein ta fatulula. Ta ti, omeya ngoka otaga ningi haga ende okuza mevi, okupitila moopaipi ga uka momandoloma. Ta gwedha po ta ti, omeya ngoka inaga pumbwa oku opalekwa oshoka oga yela nale. Ta ti, shika inashi hulila mpoka, ihe oprogalama ndjoka otayi tsikile. “Opena oondungu odhindji dhina omeya ga pitila pamukalo ngoka, ihe shika oshili metifa okutulwa milonga, opo aakalimo ye li momikunda kaadhina omeya , ya mone omeya ga yela,”Minista ta ti ngaaka.

Omu k w a t a k a n i t h i oshowo omuku luntu gwokwaandjaneka omeya moshitopolwa shaHangwena Lazarus Shikololo okwa ti, iilonga ayihe mboka opo omeya ga ende, oya longwa ashike muule woomwedhi mbali dha pita nuumvo.

“Iilonga ayihe mbyoka oya pula epangelo iimaliwa yithike oomilliona N$ 3,” Shikololo a popi ngaaka. Omukalimo gwomomukunda Okalundweena Selma Titus okwa ti, oyaninga ethimbo nuule taya nu omeya inaaga yela. “Natango osha kala uupyakadhi kuunona wetu okuwu tuma wuka tale omeya oshoka, otwa kala tuna uumbanda kutya otawu gwile momithima, moondungu oshowo momatale,” Titus ta pandula.

Ta ti, oye uvite nawa lela kwaashoka epangelo lye yalongele, paife otaya patulula oopomba taya longitha omeya ga yela,” Titus a popi ngaaka.