Geingob tsî Masisib hâkha ge !hae ôa!nâde ra ǂgaoǀkhā

President Hage Geingob tsî ǁîb gurisab, Botswanab dib Mokgweetsi Masisib hâkha hoakha ge ǁîkha di ǁkhoreb, !hae ǁaeb !nâ di ôa!nâdi hîa ai!â gere ǂoa wekheb !nâ ge ī !nae!khais ǁnāpa gu ge !nona Namibiaǁî khoe!gâgugu tsî ǁîgu di Zambiaǁî ǁnurisab hâga, Botswanab ǁKhaubas !Nans(BDF) ǁanigu xa a ǂoa!nân!nâhes ǂnamipe gere gowaǂui.

ǂOa ge wekheb tsoatsoas aib ge ǁnāti ī ǂnûsa nē ge !gamhegu di ǀaokhoen ǀkha !Hūb Oms tawa ūhâ is tawab ge !Hūb di ǁÛb Geingoba nē !oahâ khoena ge mîba, ǀhûǁarebe ôa!nâdi nî dīhes ge nē !gams ǂnamipe a mîǁguihesa.

“!Hūb di ǁûb Geingob, ge ministern ! auga! hūsi ǁhōgu, ! norasasib tsî ǁawosasib tsî ǁkhaubas dina ge ǂgan, in nē ôa!nâde ǁîb hoan xa a !nubu ǁaeb ! nâ dītoa tsî ǀaokhoen nēs !nâ tsûhân di ǂgandi tsîna oe-am, ǂhaitsi ǀgaub !nâ, tib ge presidenti mîgowaba-aob Alfredo Hengariba ǂoa ge wekheb Donertaxs ai ge mî.

BDFs ge ǂoa ge wekheb ai ge ǁnāti ī !gams nē khoe!gâgugu Wamunyimab (36), Martini (40) tsî Tommy Nchondob (48) tsî ǁîgu di ǁnurisab 44 kurixa Sinvula Munyemeb hâgu disa ge ǂan!gâ, xawe ǂnoasen tsî ge mî, nē khoegu ge mā-ams ose !aus ǀkha ǂâisāhe tsî a ǂnoahesa.

Nē ǂgā-ams ge ǀaokhoen nē ǁōǂoa hâgu din xa ǀgaisase ge !haraxūhe, ǁîgu ge ǁau!khō-ao i tsî !apu-i ǀkhas tsîna ǁhāsa tama hâ i tin gere mîse.

Nē !nona khoe!gâgugu di 69 kurixa ǁgûs, Nkungano Nchindos ge ǂoa ge wekheb Denstaxs ai tsûaǂgaob xa ǂgaoba mā tsî ge ǀomǀuni.

Geingob ge ǂGuro Ministers, Saara Kuugongelwa-Amadhilas tsîna ge mîmā îs ǀaokhoen di ǂgans ǁkhōs ǂnamipe mâxōǀkhāhes dis !nâ hui.

“ǂHanub ge ǀaokhoena nî ǁnū tsî ra ǂgan in ǀaokhoena !norasasib !oas diba !narehe, ama tama ǂgiǂgosi ǂhanixūn ǀkha mâ-amhes ose.

President Masisib ge ǂoa ge Donertaxs ai hoa ǀgam !hūkha !hūǁîna ge ǂgan, in sâsasiba ôa-am ǁnāpadi ôa!nâde ra ai!gû ǁaeb !nâ. ǁÎb ge ge mî, ǁîb ge aitsama !Hūb di ǁûb Geingob ǀkha ǁgamǁarede ūhâ i tsîb hoakha di ǁkhoreba nē ôa!nâdi nî ǂhanu-ai ǀgaub !nâ dīhesa ra !âubasensa.