Navachab ge 240 omde sîsenaon ai nî ǁamaxu
! GOMENǁGAMS – QKR Navachab mains ge mîǁguiba ge ū ǂGaribeb !nân aǀhonkhoe-aiba ǁaupexa 200 xa a !nāsa omde sîsenaon ai ǁamaxusa îs tā !nāsa ǁō, hânab nē mains di ûiǁaeba ǀams kōse nî sīs karao.
Sîsenǂuira direkteri nē mains dib George Botshiweb, ge ai!â gere ǂoa wekheb ai New Erab ǂhôare-ao-e ge mîba, nē aoǁguib hîa ge sîsenaona xu 2014ǁî kurib ai a ǂoaxab ge ǂhabase tsî !gamse a !hoaǂamhesa.
Botshiweb ra mîsa ! oas ge Navachab mainsa ǁaupexa 240 omdi hîa ǀnōb ǁkhāsib âde N$200.000sa xu N$1 miljun maris kōse hâde ūhâ hîas sîsenaon ai ra ǁamaxu ǂgaode.
“ǂÂiǀgaub nē omde da sîsenaon ai ra ǁamaxubas dib ge, îb ǂGaribeb di sâuǁkhāsiba noxopa hâhâ mains ka ǂganams tsîna, !ās di ǁōsa da !aroma ǂgao tama hâ xui-ao,” tib ge Botshiweba gere ǁgui!ā.
ǀGui timî tsîn omde nî ǁamas kara, ots ge oms âts ǁnāpa mâ xui-ao, ǀnî ǀgau-e ūhâ tama ra ī, ǁnāpats nî ǁanǀgarasa.
“ǂGui sîsenaon ge sîsenǀûs kurigan ra sī!nâ mains omdi !nân noxopa hâ hîa, ǀnîkhami kō ǁaeban mains oms !nâ a hâǀgara ǁkhāsa ra ǂganamsen tsî ǀuniga pensions marirode omro-e ǁamabasens !aroma ra !gôaǀhao.
Pension maris di ǂâibasens ge ǁhû!aohets go ǁaeb ai sa kurigu di aosenni marisa sâsase ǀamasa, om-e ǁnāpa xu kairasis kurigu !nâ hā ǁama tsî ai!â !gomma tsâs ose,” tib ge Botshiweba gere mî.
Sîsenǂuira direkteri ge ge mî, omdi ge ǀnai ǁkhāsibǀnōsa a dī-aihe tsî ǁkhābahe ǁkhā ǂganǀgaugu ai sîsenaona nî mâi-ai!âsa in ai!âba !oa mâtin nî ǁamas ǀgauga aitsama ǀawe.
“Nē sîsenxasib ge ǀgūǁae hoan nî ǀaweǁguib !oa dītoahes kara o nî tsoatsoahe.
Sida a ǀhawe-ū nēsis ge ǀgaugu tsî ǀnōgu nē omdi di ǁamaxus ǂnamipe nî hâga sîsenǂuisa,” tib ge ge mî.