Shifeta kageve marondoro kuruganesa yimaliva youkunge nsitwe mepuko
OKONJOTA - Ministera goukunge nsitwe Pohamba Shifeta kageve marondoro kuruganesa yiomaliwa younsitwe mepuko konkarapamwe ava yatumbukira vana kiugwanenamo mauwa monoprojeka dangoso.
Epangero kwatulisapo elikwamo lyangesi lyokuweka yikorama momvhura 1998 omu vapulisira vatungimo asi vaweke, nokutakamesa runone noyikorama yomowiza yipo asi vagwanenemo yiwizamo kovantu wokonomunda.
Namibia ngesi kuna kara nomavango gokuwekera yikorama gokusika ko86 gana kara asi kugwanenamo vantu uwa wokusika 200 000.
Nampili ngoso, kwakara magano omu vantu vana kusivana asi kuna kuvakumbagera mokugwana yiwizamo yina kutunda momavango gokuwekera yikorama.
Shifeta katente asi ministeli zagwana nawa nawa asi umbondo kuna kuhoroka omu nompitisili dopampo vana kulingawopeke vene nekoro lyawo kupitira monoprojeka edi kovadinguli nomonoprojeka.
Kutunda tupu mwa Sindimba 2018, ngesi vagendesi womavango ogo kuna kuvasininika asi vahepa kugavako 50% konkarapamwe nsene vana gwana musani ndi vagave nye noprojeka kovatungimo.
Yimaliwa eyi kwayigwana mevango olyo, kusana, kurandesa yikorama yahepa kukara asi uwa nye wovaweki evango olyo.
Simpe awo kufuta wokutakamesa evango olyo, kupungura monkarapamwe , nye yiwizamo yahepa kuvatera nkarapamwe omu navavhura kudika nosure.
Ame kwatanterange asi tuna kara nonkarapamwevamwekunakaranomakongo vagusa mosikesa sevango eli lyokuweka yimuna ndi yikorama , yimo ngoso katente Shifeta sivike sina puko.
Ntani evango nye lyokudikira yikorama eyi evango lyomema moKonjota momukunda horowero gwaKunene.
Omu ava gwana mbatero kepangero lyaGerman kupitira mombunga zaGIZ, 18 makero nare vagawapoukurura omu vaturapo nye no[pomba dosolar nomakero nye gokukeverera vanzovhu ntani nondama nye edi navanwa vanzovhiu.
Eyi kwayirugana nye noyimaliwa yokusika ko N$7 yonomiliyuna.
Age katanterere vagendesi womavango aga asi egendeso lyewa lyahepa kuwizapo. Mokukwama mwendi age Shifeta koveli nompitisili vamwe vatura yimaliwa eyi momalimba gawo.
Eyi kapi tuna kayitarerera hena. Tuna tjindji veta, ose ngesi kuna kukeverera ntani nomora zokombanga twahepa kuzikwama. Ozo 50% ava gwanamo norutjeno vahepa kuyitura monkarapamwe, vatunge nosure noyipangero yimo ana kutanta.
Age kapandwire nkarapamwe zina kukwama magano gendi nokugava marondoro kowo vana kuruganesa yimaliwa mepuko.
Age simpe katente asi kapi nava katarerera megendeso mukakare tupu ekoro limwe mevango limwe tupu. ‘’ Ose kapi tuna kara nokomitiye dina kara asi ekoro limwe tupu. Kapi niona diva omu ava vahorowora, nye ngesi yina haga nokuvatantera asi mekoro kutundamo gumwe tupu ayakare mevango lyokukunga yikorama, yimo ngoso ana kugava marondoro.