Swapo a ninga oshigongi oshinene mOtjiwarongo
OTJIWARONGO – Iilyo yoSwapo moshitopolwa Otjozondjupa mOlyomakaya oya li ya gongala mOtjiwarongo ya hwahwameke ookandidate dhongundu momahogololo ngoka ga taalelwa mEtitatu. Oshigongi oishinene shoSwapo osha li sha popithwa komupresidente Hage Geingob pokapale kedhina Mokati Stadium. Osha li sha tameke noohauto dhi li 100 dha landulathana mepandaanda lyaLibertine Amathila, nosha li sha huulile molukanda lwOmbili.
Poshigongi mp a k a opwa li ookandidate adhihe dhomiikandjohogololo iheyali moshitopolwa – Tsumkwe, Grootfontein, Otavi, Otjiwarongo, Okakarara, Okahandja nOmatako. “Swapo oyo ashike ongundu ya ningilwa omalolelo noyi shi oku inekelwa, oya eta ombili, uudemokoli nemanguluko ndyoka tali tyapulwa miitopolwa ayihe 14. Out shi kutya aantu yetu oya hala natango tu longe twa itula mo, shah ala okutya oye tu inekela. Onkene, indeni momangungo mu ka hogolole momasiku 25 Novemba 2020.
Okwa ti aahogololi nya pe ookandidate dhoSwapo ompito ndhoka tadhi kutha ombinga momahogol olo gomal e l o giitopolwa noondoolopa opo ya vule oku ulika kutya otaya vulu okugandja omayakulo koshigwana muule woomvula ntano twa taalela.
“Hogololeni aantu mboka mu shi opo uuna omahogololo ga pwa, otamu vulu okuya koombelewa dhawo nokupula omeya. Out shi kutya oye na okugandja omayakulo ga simana,” ta ti ngaaka.
Ta popi pehala lyookandidate dhoSwapo, Marlay Mbakera ngoka oye omuulikwahogololwa mOtjiwarongo, ta ti ongundu oyi shi kutya aantu oya pumbwa ehumokomeho.
“Otu shi oompumbwe dheni notatu ked hi gwanitha po uuna twa hogololwa. Out shi wo omakwatathano ga nkundipala pokati kaagandji
yiilonga naaniilonga moofaalama, ookampani dhuusekul i t i , moomina osho wo dhoka
dhokuninga omakala, naashika otatu ke shi kandula po,” ta ti ngaaka. -Nampa