Trump ota pangulwa sho a hwahwameke oshigwana shi tukule uuhwapindi
EGUMBO lyoontotwaveta lya-US olya hogolola okupangula Donald Trump mokuhwahwameka onkambadhala yokudhama koshipundi miiningwanima ya za ko moCapitol. Aatotiveta omulongo yongundu yoRepublican oya li y agama kumwe nAademocrats opo ya hogolole omawi 232-197. Ashike epangulo lye kegumbo lyomutumba gwopashigwana itali ka ningwa omanga oshilyo shongundu yoDemocrats Joes Biden inaa ganithilwa iilonga ye yuupresidente oshiwike tashi ya. Trump, gwongundu yoRepublican, oye omupresidente gwotango gwa-US ta ka pangulwa iikando iyali.Egumbo ndyoka lyi li momake gongundu yoDemocrats olya li lya hogolola mEtitatu konima yoowili mbali dhomatompathano omanga omatanga gegameno ga li ga kalela etungo ndika. FBI oya li ya londodha kutya otashi vulika pu kale pen a aahololimadhilaadhilo ya homata komahololodhilaadhilo ngoka tag aka kala moWashington DC osho wo miitopolwa ayihe 50 ya-US komeho geganithilo miilonga lyaBiden momasiku 20 Januali.
Mokavideo ka pitithwa konima yomutumba, Trump okwa li a pula aayambidhidhi ye ya kale nombili, na inaa popya kombinga yepangulo lye. “Iikolokosha nomiyonena kayi na mo ehala mondjokonona yoshilongo shetu…Kape na omuyambidhidhi gwandje gwoshili ta popile iikolokosha yopapolitika,” osho a ti ngaaka newi lya talala.
Iipotha yepangulo mbika oyopapolitika ndele kayi shi yiimbuluma. Omutumba ogwa ti omupresidente okwa li a hwahwameke embulukutilo lyaantu moCapitol moshipopiwa she shomasiku 6 Januali pondje yegumbo lyepangelo.
Okwa li a pula aayambidhidhi ye ya uvike omawi gawo pambili, ashike naya lwe ya tula ombunda moshihwa taya kondjitha omahogololo ngoka e ya lombwele kutya oga yakwa.
Sha landula omapopyo gaTrump, aayambidhdidhiyeoyaliyambolokotele moCapitol, ya thiminike aatotiveta ya kaleke manga eshainotaambeko lyiizemo noku ka holama. Etungo olya li lya patwa naantu yatano oya li ya sile moshimbwilikita shika.
Epangulo otali ti Trump okwa kala noku endulula omapopyo ta ti iizemo yomahogololo oya li yaa li pawuyuuki na inayi taambwa ko.
Tali ti okwa kala noku endulula owina omapopyo ngoka ogo ga hwahwameke engungo ndyoka lya ka mbolokotela moCapitol,” shoka sha eta iikolokosha nekanitho lyoomwenyo.