News in Otjiherero
OTJOMUISE - Orupa rouveruke mEpako runo ngendo onene no ma surumukiro wo ma hwangero wo Covid-19 mOrukondua rwa Maheke.
Omuhunge wo va vere po namiti yo horomende ya Pako, Kamberipa-Katjiuongua, wa tjirirwe ama raisa ongendo indji mOmurari wOndjivisiro Ombaranga erero. Watjere moure we yuva rimwe ovandu o 57 vaminikirwe o Covid-19 mOrukondua Maheke. Matja ihi oo tjivarero otjinene nene morukondua indwi nganda omutjise imbwi awa tambuka mo Namibia.
Munao otjeri ongendo onene no pa yauzire okuyaruka mo mambo wohaona ve tjimuna o Ministera yOkehi yOuveruke nOzombatero Zombwiro yOtjiwa¿a, Onongo Utjiua Muinjangue, kutja omundu auhe kourike we meritjinde mena rokutja itji oo tjina porwe tji tja sewako okutjita. “Tji ma tu ryanga momivanda vyo tjihuro omeritjindiro wovandu kayena oku raisa ohange tjiri. Katuna oku kongorera omazeva nga tuwapo kutja tur i tjevere mo mutjise wo Corona. Ovandu veryanga uriri, ve worongana po tuveze no ku hina oku twako o u papeke wo mauru no vinyo,” KamberipaKatjiuongua, matja.
Munao otji man yauza oku riheka ko tjiwa¿a kutja “arikana tjiwa¿a tjetu twawirwa omutjise imbwi nu kauna kuyaruka ombunda mawii komurungu”. “Tji ma tu hungire nai ozondiro mOrukondua rwa Maheke za kapita ovandu o omurongo na vevari. Na noho tji me hungire mapeya kwe riweza noho varwe vevari. Orondu nai mo tjiveke muna ozondiro mutu mbari tjeri ozonditi.”
Munao Kamberipa-Katjiuongua otji me riyarika¿a ko tjiwa¿a tjiri Þizire po ma zeva. Ngamwa apehe oku zara ouopapeko; oku Þiza omu kato wo zo meta 1.5; no ku koha omakeno meva ngu ma ye randanda poo omiti. Matja ovika¿eno vyo Covid-19 ovinene nene okusuvana ouzeu, orwemo morutu tjimuna otjindjumba; okuhina oku tjatisa poo oku nuka ovikurya no no upyu poo outaazu mo rutu. Ovyo kavisere oku kamburwa ondende nu ngwerimunu vyo maso kuhakahana oku paha ombatero yorupa rouveruke ko gnoze indji: 0811407379 kangamwa oruveze nu koyo kutonwa otjari.