Aakaukuejo ya mono uundjugo
Aakalimo mOkaukuejo oya pandula ombelewa onene yOshitopolwa shaShana shoya tungululitha noku opalekulula uundjugo wa wo.
Omukalimo gumwe ngoka a li a popi peha lya yakwawo, Abel Bandu Komob, okwa ti oya pandula unene, oshoka omwenyo dhawo odha za moshiponga. “Kakwa li oshipu okukiikwathela kondje yo dhalate, oshoka okuna inaamwenyo, ihe onkalo okwa li hayi tuthiminike okuyako,” Komob a popi ngaaka. Ta ti, oye li mokati kiinamwenyo mbyoka ya nika oshiponga, ashike otaya pandula sigo onena ka pena ngoka amonithwa oshiponga sigo uundjugo wa wo wa pu.
“Otatu kwashilipaleke kutya uundjugo wetu otatu wusile oshimpwiyu lela, opo kaawu yonuke we. Kehe egumbo ota li kala lyina oshapi opo ngele gumwe a hala okulongitha okandjugo, itaka piyaganeka mboka yena ooshapi,” Komob ta ti ngaaka. Uundjugo mboka wakalapo nale owa opalekwa nawa kaanasikola yosikola yopawungomba, Valombola vocation training centre (Vvtc) mOngwediva.
Aakalimo oya li ya yelithile Kundana kutya, uundjugo awihe ka kwa li tawulongo nande nande, oshoka owa li wateka wo wanigila, ihe paife ayihe oyi li melandulathano.
Undjugo mboka hawu longithwa kaakwashigwana ayehe, owu li paali. Kehe kamwe okena uundjugo utatu oshowo ooshawa dhi li ndatu. Ngoloneya gwoshitopolwa shaShana Elia Irimari ngoka a li apatulula uundjugo mboka wutsikile okulongithwa Etitano lya ziko, okwa li a kumagiudha aakalimo ya sile oshimpwiyu uundjugo wa wo. “Kalikiipo oombelewa dheni ndhoka. Kehe egumbo na li kale ta li zi oshimaliwa shontumba, mukalande oothewa dhoku opaleka okandjugo keni,” Irimari akumagidha.
Ta ti, kaleni woo ta mufutitha aayendanandjila yeya okumutalelapo momudhingoloko gweni, okamaliwa okashona okulongitha okandjugo.
Agwedhapo ta ti, pamukalo ngoka otamu vulu okugongele oshimaliwa shokulanda iikwaopaleki yokandjugo.
Kansela omupe gwoshikandjohogololo shUuvudhiya Timoteus Shivute okwa li natango akwashilipaleke aakalimo yOkaukuejo kutya, okuna okulonga neyitulemo okuhumitha oshikandjohogololo shoka komeho oshowo okushi etela omawunawa agehe taya pumbwa.
“Andi kalonga nuudhiginini, nokutsikila mpoka Kansela gwandje omukulu ahulile, oshowo okugwanithapo nokupulakena omawupyakadhi gaakalimo yomoshikandjohogololo shandje ashihe,” Shivute a popi ngaaka.