NIP ta ka pititha iizemo yoCovid-19 pangodhi
Uuminesteli wuuhaku nonkalonawa owa ti, ehangano lyi nasha nomatutso gomikithi Namibia Institute of Pathology, olya ningi omalundululo taga ti, kehe ngoka taka tutswa omukithi gwoCovid-19, otaka mona omayamukulo ge okupitila mokatumwalaka okafupi kongodhi ye yopeke, uuna ga yela.
Minista guuhwaku nonkalo nawa Kalumbi Shangula okwa ti, etumwalaka ndyoka tali ke ya kongodhi oli na omilandu nomapulo taga kalandulwa ngoka tage ku fala keyamukulo lyoye lyahugunina.
“Omaso ga etwa komukithi tagu yematitha uuyuni awuhe moNamibia oge li 301,” Kalumbi ta ti ngaaka.
Ta ti, omwaalu gwaantu taya kwatwa komuthi gwocorona, otagu ende gwa uka pombanda kehe esiku, omanga omwalu gwaamboka taya eluka, gwa uka pevi. “Natu tsikileni okugwanithapo omalombwelo nomalandulathano okukeela omukithi gwoCovi-19. Mboka ya ningi ihakanwa yomukithi ngoka naya landule natango omalombwelo okusinda omukithi gwoCovid-19. Omukithi ngoka ogwanika oshiponga no tagu endelele. Shangula ta ti, omukithi nguka ogwa lopotwa tagu kwata antu oyendji miitopolwa iya li, Oshana oshowo Khomas.
Ta ti, aanadholongo ye li yahamano mOshakati oya kwatwa oshowo aanilonga yUuministeli wonkalo nawa yeli ya heyali ya kwatwa oku za kiitopolwa ya yoloka oshilongo ashihe.
“Esiku limwe lya piti, aantu ye li yatano oya lopotwa ya sa koCovid-19 kOshakati, yaali kOvenduka, Ombaye oshowo Otjiwarongo,” Shangula a popi ngaaka.
Shangula ta ti, Ovenduka oyadhidhilikwa oyo yina omukithi ngoka tagu dhana onkandangala unene noopelesenta 24% tayi landulwa koshitopolwa shaShana noopeleesena 18%.
Minista okwa tothamo kutya omukithi nguka ogwadhidhilikwa unene hagu kwata mbala aakokele. Shangula ta ti, Namibia okwalopota iipotha ayihe kumwe yoCovid-19 yi li 31 253, oshowo iipotha iipe konima yesiku limwe yili 258.
Omwaalu aguhe gwaantu ya li yakwatwa komukithi ngoka, ye li 28 226 oya eluka omanga aantu mboka ya ikalekelwa netompelo taya fekelelwa omukithi gwoCovid-19 oshilongo ashihe, ye li 1 940.