Biden a ninga omalundululo momisindalandu dhaTrump
OMUPRESIDENTE gwa-USA Joe Biden okwa Tameka oku ekelahi omisindalandu dhimwe dha li dha simana kuDonald Trump konima owala yoowili sho a tameke iilonga ye pambelewa onga omutse gwoshilongo.
Presidente Biden okwa shaina omalombwelo 15 ga simana, lyotango okuhwahwameka iitopolwa yi kondjithe omukithi gwoCoronavirus. Yimwe yomomashaino oyi na sha noku ekelahi omisindalandu dhaTrump ngele tashi ya kelunduluko lyonkalo yombepo osho wo okuya moshilongo.
Biden, ngoka ta ka longela okuza mombelewa yolupe lweyi okwa ganithilwa miilonga mEtitatu onga omupresidnte omu-46 gwa-USA. Eganitho lye miilonga kalya li lya fa omakwawo omolwomukithi gocoronavirus, shop we ya aantu aashona okutala sho ta ganithilwa miilonga osho wo oku ondodha omeho gawo kwaayihe tayi ningwa po.
Donald Trump, ngoka ina taamba ko ezolyeiilongayuupresidentepambelewa, ka li a holoka po poshiindingili mpaka, oshikando shotango mondjokonona yaAmerica.
“Uudemokoli owa sindana,” Presidente Biden osho a tis ho a ganithilwa miilonga komunaveta omukuluntu John Roberts.
Ta gandja etumwalaka lyuukumwe konima yoomvula dhevundakano dhaTrump, okwa gana okukala omupresidente gwAamerica ayehe – mwa kwatelwa mboka inaaye mu hogolola. Yatatu yomaakulupresidente opo ya li peganithilo lye miilongaBarack Obama, ngoka melelo lye Biden a li omupevipresidente uule woomvula hetatu, opwa li wo Bill Clinton naGeorge W Bush, osho wo omupevipresidente gwaTrump, Mike Pence.
Kamala Harris okwa li a ganithilwa miilonga omupevipresidente. Oye omukiintu gwotango- osho wo omuntu gwotango omuluudhe osho wo e na omidhi dhaAsia-America- ta londo ponkatu ndjoka.