Eharwi ra pwire posia oma Kuruhungi kanaa ye zengi
OTJOMUISE- Mo ma yandero wo mbura ndjazuko mo mweze Tjitarazu, mo kahoto kandje mu mbi kaÞara no ku kawama, tjinene oku hena hena no ku tupuka ko ma rorero wo vipo vyo uye wa nambano, nu tjinene ko mutjise omayuva inga mbwa uma ouye, no Namibia wina, otji mba ya kurire oka ngoze ko mundu ku kazire.
“Mbwae epanga retu ma ri yende ama rimana omasa nu tjike hapo? Eharwi ro ma kuruhungi ngeri muye mai naro poo matu tjitivi? Katja tu paha omukwetu Orata Kandjii atu kondjo kutja ma tu tjitivi?”, epanga nda yetere oka kongoze ratja nao. Kapeya kapita omieze omambo owongo yeere kutja omurwe omukuru wo Swanu, Ambrosius Hijatjikunga Kandjii, ketji tjiko rukwao. Tjimwe tjo vi kando oviseinina ami ne panga randje ro kangoze tji twari pa mawe no mu yaruke Kandjii, yari mo Tsabonga mo Tjauana mo 2014.
Hapo okutja nambano orwi indwi opuwo ka tu tji nwine no ku kowa muro eye nai tjeheriko rukwao? Kako katjiperi! Omundu na ngwari ohoze yo zo hoze. Oo imbe na mbena wa serekarera ouyenda we mo tjirwa tjo ngutukiro ya Namibia. Pemwe omembo indi The Inevitable Pipeline into Exile, Botswana’s Role
in the Namibian Liberation Struggle (Omuriu Omuhayepwa kOutaure, Orupa rwa Tjauana mo Tjirua Tjongutukiro ya Namibia ) nda tjangwa i Johann Alexander Müller, kehi yo nganda onongonone no tjange yo ma kuruhungi wa Namibia, indji o Basler Afrika Bibliographen, yehindi o Sweden. Membo indi omuyaruke Kandjii no va kwao varwe va tetera mo ouyenda wao moutaure okupitira mo ndovi ya Tjauana. “Moruveze ro ko mu rungu wo ngutukiro ya Tjauana, ovataure vo Swanu mbaa ve ka pitira mehindi,
kaa ve sekamene porwe ko tutu two Vambanderu mo zo ndendera za Tjihitua (Sehitwa) no ngondoroka, posia aa ve tanÿere ko viungura vyou¿epo wayo ozo horoose mbaa u serura ozondjira zawo zo ma kapitiro wo va taure oku tuurungira mo Tjauana. Outi ounene o Swanu kaa iÞaÞere oruveze indo yari Ambrosius Kandjii na Werner Mamugwe,” Müller ma tja nao membo re indi. Okoo kutja ra tjangwa iye posia pendje no ma yarurapero no ma twapero wo vi tjitwa tjiva, embo ro mu taure omuyaruke Kandjii no vakwao.