Aantu yatatu yi imangeleke moshitopolwa shaMusati mehuliloshiwike
Aantu yatatu oya si omaso gwombaadhilila, sho yi imangeleke omasiku ga yooloka mehuliloshiwike lya zi ko, moshitopolwa shaMusati.
Omugandji gwomawuyelele moshitopolwa shaMusati Titus Shikongo okwa ti, miiningwanima ayihe mbyoka itatu, ka puna nando gumwe athiga ashanga omatompelo ge, geyikutho mwenyo.
Shikongo ta ti, omukiintu omupolisi mositasi yaShikuku etitano lya ziko, okwiimangelekele mondunda ye yokulala mOshikuku.
Otaku hokololwa kutya omupolisi ngoka, okwa li angwalamo kaanona, sho ya mono akalamo mondunda, ye itii taala shota ithanwa.
Nakusa okwa tseyika nedhina Rauha Jason, ayambukile mOshikuku.
Olutu lwomunamimvo 25, olwaadhika lwa endjelela mondunda ye yokulala etitano lya zi ko.
Shikongo okwa ti, oshingwanima shoka osha holoka 21h00 yuusiku mOkahao.
Otaku hokololwa kutya omulumentu ngoka, okwa li a zi kehala lyomanwino hoka a li pamwe nookume ke, nonando ka kwa li aholola ena uupyakadhi.
Shikongo tahokolola kutya, sho a li athiki megumbo, okwa li a piti pomumwayina kadhona, mpoka inaa popya natango uupyakadhi washa,.
Anuwa okwa popi ashike ta ti, otaka vululukwapo kashona oshoka okwaloloka.
Okwatseyika nedhina Jason Iyambo Iyambo, ayambukile momukunda Ongulugumbe, kOgongo.
Aakwanezimo ye oya tseyithilwa nomakonakono gwopolisi otaga tsikile.
Omunamivo 40 Theresia Naambo Shapaka okwaadhika momuti iimangeleka nongodhi Olyomakaya ga ziko, momukunda Oshindumbu moshikandjohogololo shaNesi.
Otaku hokololwa kutya, omukiintu ngoka okwa li alaleke omusamane gwe kutya otaka mwa omboga mepya, ihe inaga luka kako we.
Shikongo ta ti, aakwanezimo oya li ya itsu olutulwe, esiku lyalandula.
Moshiningwanima inaashifathana, omunamimvo 68, okwa si moshiponga shohauto, sho ohauto ndjoka kwa li tayi hingwa komonamati kwa li yagu pokati kondjila yaKahao nUutsathima moshitopolwa shaMusati.
Shikongo okwa ti, oshiningwanima shoka osha holoka potundi 14h00 yomutenya Osoondaha ya ziko, momukunda Iitapa.
Nakusa okwa tseyika nedhina Tangeni Pius, a yambukile momukunda Onanyanga.