RwandAir a Tameka omatukilo eedila koBengui sha-CAR
Ehangano lomatukodila laRwanda, RwandAir ola tota po ondjila imwe, tali tameke oku twalwa ovatwaalelwa koshilandopangelo shaCentral African Republic (CAR), Bangui, nonande oshilando osho oshili li mekondeka leelebele.
Ehangano tali ti eedila dalo otadi kala noku tuka oku ya koBangui luvali moshivike onga omukalo woku li monena oshimaliwa, shaashi ola kanifa shihapu omolwa oCovid-19.
Ominista, yoipindi noyeliko yaRwanda oyali imwe yomovanhu omilongo ovo va li modila yotete oyo ya ka nambela moBangui ongula yEtitatu.
Mo2019, ovapresidente waRwanda nowaCAR ova shaina etwokumwe udafano leameno, nopaife omatanga ovakwaita veli omafele okwali a tumwa koRwanda a ka amene Bangui, eshi ashike ku na omafiku manini oku ya momahoololo a Deseba 2020.
Eelebele mongaha oda kondeka Bangui, noda kwata ko konyala oshititatu shoshilongo. Osdi li omhinge noshidjemo shomahoololo omuDeseba oo a findanwa po komupresidente oo opo a i koshipundi Faustin Archange Touadéra, noda hala oku mu umba ko.
Oshivike shadja ko, omupilima woshilongo Martin Ziguélé okwa ti Bangui oku li pokati kamumhaka namumhaka shaashi okwa kondekwa noku li mongonga yeelebele.
Bangui Mongaha oku li meameno lovakwaita vepangelo tava kwafelwa kuRussia nokoiwanahangano (UN), nokangedjo koufiku oka li ka ingidwa moshilandi osho kuyele omwedi wadja ko.
RwandAir ohali tuka oku ya konyala koupale 30, moilongo 24 muAfrica alishe Africa, Asia, Europe nomoMiddle East, ashike omatuko amwe okwali a kalekwa odula yadja ko omolwa omukifi woCovid-19.