Ovaleli moCongo inava hala ookaumwe kaKabila melelo

Oilyo momutumba wopashiwana moDemocratic Republic of Congo oya nyola omukandakemo tai pula opo vamwe vomovaleli ovakulunhu va tewatewe mo shaashi vati ove na elalakano loku kufa eenghono epangelo laPresidente Felix Tshisekedi.

Meemwedi edi, Tshisekedi okwa kala a ehena kokule omupresidente mukulu Joseph Kabila, oo va nanafana naye molwa oshidjemo shomahoololo omo 2018. Tshisekedi oo a kala noku kondjifafana naKabila oule womido dihapu okwa li a findana omahoololo noku kufa ko Kabila koshipondi oko a kala okudja mo2001 fiyo omo 2019.

Kabila okwali a ulika omunhu umwe elili ta ti oye a findana omahoololo. Omuleli ou eshi a ya koshipundi okwa li a kondjifa opo va kale vena ekwatafano naKabila ashike okwa twikila novanambelewa ovakulunhu ovo vahapu va kala nale mepangelo kaKabila. Oilyo yomutumba wopashiwana idulife po60 yomoilyo efele, oya pula oilyo yomeumbo lopombada oyo ya ama kombinga yaKabila opo i li kufe mo moilonga, ava ova kwatelwa komeshu kuAlexis Thambwe Mwamba oo oye a yandja momukandakemo oo wa nyolwa nowa shainwa koshilyo shomutumba wopashiwana Valentin Gerengo M’vene.

“Ohandi yandje omukanda ou, ashike ovo veu pange ngeenge ova ninguluka kwaashi tava pula, nghina oupyakadi –ohai shi mele ko,” osho omunamido 77 Thambwe oo ali yoo ominista youyuki a ti, pefimbo ta yandje omukandakemo wavo. Ngeenge omakemo avo okwa shikulwa, odjo moilonga laavo va tofwa mo otali ka kala edengo pomutima kovalanduli vaKabila ovo vali va hala op ova talike noku pewa oshipundi shoupilima osho sha fiwa po komupilima mukulu oo eli kufa milonga naasho shounadhipundi wokeumbo lopedu.