Oshigwana tashi indilwa shim one uuwanawa mooproyeka dhuunamapya

Omukuluntu nongononi guunamapya mUuministeli wuunamapya James Nzehengwa, okwa kumagidha oshigwana shi longithe ompito ndjika yokuninga omayindilo gwoopoloyeka oshilongo ashihe.

“Uuministeli wuunamapya owa pititha ooproyeka dha yooloka, okukwathela aanafalama, niikwambuto, oopaipi, omashina gwokupomba omeya, oshowo iimuna,” Nzehengwa a popi ngaaka.

Dhoka okwedhipopi esiku kwa li ya talelepo aanafalama yamwe moshitopolwa shaMusati, mboka ya li ya pewa oopolekeya omvo gwa ziko. Nzehengwa okwa ti, oprogalama ndjoka yedhina Horticulture support oya yambimdidha aanafalama ye li 240 moshitopolwa shaMusati.

“Oprogalama ndjika oyililepo okuyambidhidha aanafalama okuhuma komeho oshowo okwiiyambidhidha yo yene, onkene aanafalama mboka ka kwa li ya mona ombito ndjika omvo gwayi, naya thikame nena,” Nzehengwa a popi ngaaka.

Omunafalama Serafia Sakaria 33, gwomomukunda Oshipufu Sheendjamba moshitopolwa shaMusati okwa li, a mono onkalo yoluhemo tayi thimininike, konima a li a kala pegumbo sho amana ondoondo 12.

Sakaria okwa li akwathelwa noo mbundo dhiikwamboga ya yooloka, oopaipi, okashina kokupomba omeya oshowo uuhoho.

“Oprograma ndjika oye tukwathela, oshoka

moshikunino shandje ngaashingeyi omo handi hupile paife. Moshikunino shandje omuna omatama, omapungu oshowo iikapa,” Sakaria ta popi ngaaka.

Tahokolola ta ti, ethimbo ndika lyocorona oya mona iihuna oshoka ookasitoma otadhi shongola. Sakaria ta ti, iikwamboga yawo ohayi likapo kipuka. “Omiti odhina ondilo, itatu dhi gwanitha ethimbo alihe, otatu indile natango uuministeli wuunamapya wutu kwathele, opo tu kale hatu pombelelwa nando lutatu momwedhi,” ta indile. Sakaria ta ti, okashina hoka haka pombo omeya oha kayi omahooli, ngoka natango omukundu gumwe okulongoitha oshimaliwa.

Ngaali Frans omunafalama gwomoshitopolwa shaMusati okwa ti, oongeshefa yiikwamboga otayi ende nawa lela, ashike oyena uupyakadhi wiipuka hayi lipo iikwamboga ya wo.

“Otwa kuta aanilonga taya kalelele yeli yane, na yamwe mboka haya yeya okulonga uuna pena iilonga oyindji, yo taya futwa, sha ikolelela kiilonga ya wo yesiku,” Frans ta popi ngaaka. Frans ta ti, ngaashingeyi omatama gawo ogalikapo ko kapuka, Ta ti, okapuka oko uupyakadhi uunene kaanafalama oyendji oshoka oha keya shunitha monima.

“Ohashi pula ishiwe oonkondo niimaliwa okupululula, noku kuna,” Frans a popi ngaaka. Oshikunino shoka shedhina Local Integrated farming, oshina oomboga, iikapa, omapungu omanuwa omatama oshowo uutanga.

Omunafaalama Serafia Sakaria, moshikunino she moshitopolwa shaMusati, mOutapi.