Aanafaalama ya nyanyukwa komambakumbaku gwokomukunda
AANAFALAMA yomapya oyendji monooli oya nyanyukwa komambakumbaku ga gandjwa kUu mini st eli wu una map yaokuy am bid hid he miilonga yawo yomomapya.
Omambakukumbaku ngoka ohaga pulula, go taga kunu, taga tilehi uuhoho pethimbo limwe.
Uuministeli natango owuli metifa okugwedhapo omambakaku gwokulima.
Steven Masipa gwomomukunda Okafitu ka Kahala moshitopolwa shaMusati okwa ti, okwanyanyukwa noonkondo oshoka oya kondwa omagulu.
“Iilonga ya ningi iipu, itatu mono we iihuna yokulamba epya atukunu mokati komitenya. Ohatu mono iihuna okufuta omambakumbaku gwomomikunda, ngoka hage tu pula ondilo,”Masipa ta ti ngaaka.
Ta hokolola ta ti, omambakumbaku gwomomikunda otaga pula 1000 mo hecta yimwe, omanga gepangelo taga pula N$250 mohecta yimwe.
“Otwa kuthwa muudhigu lela, paife atu vulu okupulula omapya getu ga pwako, oshoka oshimaliwa tatu futu oshi hwepo,” omunafalama a popi ngaaka.
Masipa okwagwedhapo ta ti, natango otaya indile uuministeli wugwedheko komwaalu gwomambakumbaku, opo kehe gumwe a kale a mona ompito yoku lilongitha momukunda.
Omunafalama ta ti, ngaashingeyi okwaningi omunelago sho a mono ompito yokulongitha embakumbaku.
“Aantu oyendji oya thiminikwa okupululitha nomambakumbaku gwomomikunda , oshoka oyatila okukala inaaya mona ompito, yo aantu oyendji oya ninga omayindilo, lyo embakumbaku limwe ashike moshikandjohogololo,” Masipa ta popi ngaaka.
Omupoliko mUuministeli wuunamapya Jona Musheeko okwashilipaleke kutya, oye li metifa okugwedha kehe moshikandjohogololo embakumbaku, ga kale geli mo gaali.
“Uuministeli oweshi tula miilongo, opo kehe gumwe a mone ompito yo kulongitha omambakumbaku ngoka. Otu li metifa okulongekidha natango omambakumaku gwokupulula,” Musheeko a popi ngaaka.