Dominican Republic a tokola oku tula ondhalate pokati ke naHaiti
OMUPRESIDENTE waDominican Republic okwa tseyitha kutya otaka tula po oongaba dhondhalate pokati koshilongo she noshishiindalongo Haiti ndyoka tayi ka kala yina uule wookilometa 380.
Luis Abinader okwa ti oongamba dhoka otadhi ka kwathela oku lwitha uukali moshilongo kaawu li paveta, iingangamithi, nosho wo uumbudhi wiiyenditho pokati kiilongo iyali mbyoka tayi pangele pamuhanga okantunu kedhina Hispaniola.
Abinader ta ti iilonga yoku tula po ondhalate ndjoka otayi ka tameka momukokomoko momvula ndjika. Haiti oye gumwe gwomiilongo iihepele moshitopolwa shoka tashi ithanwa Western Hemisphere, nekwatathano pokati kiishiindalongo mbika iyali oli na ondjokonona ondhigu.
“Moomvula mbali dha piti otwa kala ta tu kondjo nuudhigu opo tu ete pehulilo uukali moshilongo kaawu li paveta, iingangamithi, nosho wo uumbudhi wiiyenditho pokati kiilongo iyali,” Abinader ta ti.
Iimaliwa mbyoka tayi ka longithwa mopoloyeka moka inayi thamunwa.
Abinader ta ti, pomahala mpoka pwa tseyikila nawa iiputilo waali paveta, otapu ka tulwa olusheno, nuuthano woku mona ngele aantu taya piti shaali paveta.
Dominican Republic ngoka e na eekalimo ye yevulithe poomiliona 11 okwa tula ko nale oondhalate pomahala gamwe koongamba.
Otaku tengenekwa kutya aakwashigwana yaHaiti ye vulithe po500 000 oyeli moHaiti kaashi li paveta. MuJanuali epangelo okwali lya zimine oku kwathela Aahaiti noombapila dhuukwashigwana mboka ngashingeyi yeli moDominican Republic.