Aatswane oya loloka uupyakadhi womeya
OSHILANDO shaTshwane masiku otashi ka iyadha mompangu, sho oshikondo shomeya sha ti otashi ka landula ondjila yoveta opo yi kondjithe eopaleko lyondama yomeya ga longithwa nale koBaviaanspoort. Omupopiliko gwoshikondo Sputnik Ratau okwa lombwele TimesLIVE kutya oshilando osha ndopa oku iyutha kondungethaneko yongeshefa yasho, mwa kwatelwa okuopaleka ondama yaBaviaanspoort.
“Okuya kompangu uuna twaa na we nkene,” Ratau ta popi ngaaka, ta tsikile kutya oshikondo otashi ka tsikila okukondjitha elelo lyoshilando okupitila moompangu ngele oshe ya po mpoka kutya omaupyakadhi itaga kandulwa po. Ratau okwa ti oshinakugwanithwa shokugandja omayakulo koshigwana oshi li komapepe gelelo lyoshilando.
“Oshinakugwanithwa oshi li momake gamuni,” ta ti ngaaka. “Mbaka aantu ye na omalelo goondoolopa.” Omapopyo ngaka oga li ga ningwa konima yomapulaapulo ga kwata miiti ge na sha nuuthemba womuntu moSouth Africa.
Aakalimo yomoTshwane oya thita po noya loloka shi na sha nonkalo yawo yomeya, ndjoka ya yaga kegonga nomeya oga nigila, naashika osha thigi aanafaalama itaaya vulu okulanditha iikwamboga yawo oshoka oya tekelwa nomeya ga kaka. Shika osha li sha popiwa komupanguli gwomoPretoria Hendrik van Staden konima yomakonaakono gomuule kombinga yiikwa niipangitho yomeya mbyoka itaayi longo nawa.