Omupevipresidente gwaZimbabwe i ikutha miilonga
Omupevipresidente omutiyali gwaZimbabwe Kembo Mohadi okwa li a ikutha miilonga oshiwike sha za ko konima sho a li i ikala omapopyo ge na sha niihulo inaayi uka. Mohadi, 71, okwa li a endulula mo kutya okwa li a kengelelwa komalungula, naantu ya tapa ewi lye konima iikundaneki yokomalungula ya shanga nokupititha omawi mota ta popi naakiintu oyendji mwa kwatelwa mboka ha longo nayo.
“Ngame oshihakanwa shuuyelele wiifundja, ewi lyandje lya longithwa pambambo osho wo omatamaneko gopapolitika giipundjamenye,” Mohadi ta ti ngaaka momushangwa gwa pitithwa kuuministeli womauyelele.
“Ondi li monkalo ombwiinayi nonda dhimbulula kutya onda pumbwa ompito ndi kandule po omawupyakadhi gandje ndaa li koshipundi shepangelo,” omukanda tagu ti ngaaka.
Ta gwedha ko kutya eikutho miilonga lye kali shi uukatalume ashike oku ulika esimaneko kombelewa yapresidente nokukwashilipaleka kutya inayi tulwa momake omawinayi komaihumbato ngoka taga kwatakanithwa nangame pawumwene.”