Yatatu ya mangwa po konima yedhipago lyaantu yatano
Opolisi yaFree State onkene tayi tsikile okumona uuyelele moshipotha moka aantu yatano yofamili yimwe ya li ya dhipagwa mehuliloshiwike lya za ko momukunda Marakong, Namahadi, moQwaqwa. MOsoondaha, omalutu ga fikwa po gaSafolo Mofokeng , Relebohile Lemeko nomwanakadhona Masabata Lemeko nomwanamati Tatolo Lemeko oya li ya itsuwa momagumbo gaali moNamahadi. Omukulukadhi gwaMofokeng, Moliehi Thoabala, okwa adhika a yahwa mepunda.
Uunona utano owa li wa hupu oshiponokela shika.Omupopilikogwopolisiyomoshitopolwa Colonel Thandi Mbamo okwa ti omunafaalama gwomoshitopolwa gwomimvo 34 pamwe nomukwiilongo gwoomvula 20 oya li ya mangwa po koowili dhongula mEtitano moHarrismith. Shika osha eta omwaalu gwaafekelwa puyatatu ngashiingeyi.
Omufekelwa gwotango okwa li a mangwa po mEtine nokwa li a holoka mompangu mEtitano mompangulilo yaMangestalata yaPhuthaditjhaba, a holoka miipotha yedhipago, okufika omaliko osho wo onkambadhala yedhipago, omanga mboka yaali ya mangwa mEtitano taya holoka nena mompangulilo oyo tuu ndjoka. Mbambo okwa ti omufekelwa omudhaninkandangala natango ke wetike.
“Omunafaalama okwa patululilwa okuya iilonga yopolisi moshipala konima sho sha monika kutya okwa li a humbata aafaalelwa nohauto ye, te ya kwathele ya holame oveta. Ohauto ye oya li ya mangwa po. Omufekelwa omunene ina monika natango,” Mbambo ta ti ngaaka. MEtine, Mbambo okwa li a lombwele TimesLIVE kutya opolisi otayi konaakona ngele iiponokela mbika oyi na sha niikonene yontumba. “Mongashiingeyi otatu fekele kutya iiponokela oyi na sha niikonene, ashike itatu vulu okugandja uuyelele owundji,” Mbambo ta lombwele