50 000 Xa a !nāsa ǀae-aon ge ǀHaiǁuiBa ǁKHauBas ǀAe!kHōde ge dītoa

50 776 Xa a !nāsa Namibiaǁîn ge ǀHaiǁuib(TB) ǁKhaes ǀAe!khōsa ge dītoa, ǁnāpan ge nēti ī ǀae!khōdi ǀkha 2018ǁî kurib !nâ a tsoatsoa-ū 87 594 khoena xu. !Nakaǂnôa ministers ǂurusib dis Esther Muinjangues ge ǂhaitsi ǂanǂans ‘Ti ǀHaǁuib ǁKhaes ǀAe!khōsa(TPT) mâpa hâ’ ti hâ ǂgaoǂgao!nâs ǁaxasib tawa nē !gôaba ge mā.

TPTb ge sîsenǀgaub hîa ǁnān hîa HIVs tamas ka i o ǀnîkhami ī ǂurusib !gomsina ūhân ge nēti ī !gûǁnâǀgaub TPT ǀae!khōdi dib !nâ ra !amǂgāhe. ǂÂibasens nēs ra dībahes ge, in īǁkhāsib TBsa hōs diba ǀoroǀoro ǁkhā. Xawes ge Muinjanguesa kai !hausens ǀkha gere mî, ǀhaehe rasa !oan 230 044 khoena Namibiab !nâ HIVsa ūhâsa, xawen kaise ǂauna !gôab dina noxopa nē PTP ǀae!khōs ǀkha tsoatsoa tama, tamas ka i o noxopa mîsa ǁaeb ǀae!khōdi diba dītoa tama hâsa.

Ministers ge ge mî, ǁnā khoen hîa PTP ǀae!khōde ge dīǀoaǀoan, daoǁgaugu ministeris ūhâgu di !gâi!gâb ase mûhe ǁkhāsa.”TPTs ge ǁîs a danase ra mâǂoa ǁnān hîa HIVsa ūhân ǁaegu. “Sida ge !hūb ase ra ǁgūba, hoa khoen hîa HIVsa Namibiab gere ǂâi!nâ !gôab ge 128 900 khoena TPTs ai 2019 xu 2022 kōse !naosa, ǁîna xun 100 388 khoena HIVsa ūhâse. Ai!âs ge Muinjanguesa ge mî, ministeris ge !nubu ǁaeba nî !khōǂgā ǀae!khōsa TBsa ǁkhaubas ase a tsoatsoa-ūsa. Nē !nubu ǀae!khōs ǁkhaubaǀgaub ge ǀgam !kharaga soǀôan hîa ǀgui !nāsa wekheb !nâ !nona ǁkhâgu ǁaeba nî māhena !khōǂgā hâ.

Nēs ge ǁkhāti Hoa !Hūbaisi ǂUrusib !Nans (WHO) aoǁguigu !oagu 12 !nādi ǀguide nî hōhese i. Ministers ge noxopa a ǂanǂans ge, TB tsî HIVs hâra ǀguipa hâs !gôagu Namibiab !nâ ǁause ra !gôaxasa, 2018ǁî kurib !nâ ge 35%gu ai mâ isa xu 2020ǁî kurib !nâ 30%gu ai mâse. Nēti !gôaba ǁgôaxas ge kai sī!nâs ase a mûhe ǁkhā tsî ǂgaoǂgao!nâs ases tsîna hoa !âǀhuru-aon tsî ǂurusib ministeris tsîna ība, ǁaudommi ais ǁguiǂgāsens tsî ǁgūtsâde ī tama !khais !aroma.-Nampa