Prince Philip: oosa otashi vulika dhika ete ombili muuwa
OSHIKOGO oshiluudhe shoka sha gwile mezimo lyuuwa waEngland okwa talika kutya otashi vulika shika eta ombili mokati kezimo lyopombanda ndjoka lya ningi ethimbo kaali na elongelokumwe –osho oshilyo shomutumba gwopashigwana nale Sir John Major nOmukaardinale Vincent Nichols, gwongeleka yaKatoolika ya ti.
Sir John, ngoka ali a pewa Princes William naPrince Harry mo1997 onga omutekuli wayo konima yeso lyayina Princess Diana, ota ti okwi inekela kutya eso lyomusamane gwomukwaniilwa ngoka naye wo ali omuwa, otali keya tula kumwe. Prince Philip ngoka naye a zile mezimo lyaakwaniilwa, okwa valwa kuPrince Andrew, omwana gwomukwaniilwa gwaGreece, King George I naPrincess Alice ngoka naye a li wo a valwa kaakwaniilwa, okwa tengenekwa a fumbikwe mOlyomakaya tage ya. Aana yaPrincess Diana William naHarry nayo oya tegelelwa ya kale po pefumbiko lyahekulu.
Prince Harry ha ithanwa wo The Duke of Sussex ye otaka tuka oku ya kevi lyawo lyaaIngislisa, oku za koUSA hoka ya tembulikile naanegumbo lye.
Omukadhi, Meghan Markle, ngoka eli metegelelo, ye itaka ya ko kefumbuki, otaka kala kaandjawo California kelombwelo lyandohotola.
Omukaardinale Vincent Nichols, gwongeleka yaKatoolika moEngland ota ti naye oku na etegelelo kutya oosa dhika otadhi ka eta uukumwe mezimo, nezepo lyaPrince Filip otali ke ya tula kumwe.
“Omakondjithathano mezimo lyuuwa oge ya mo inaashi tegelelwa notuna einekelo kutya otaga ka hulithwa po mbala, nondi wete kutya oosa dhika odho ompito ombwaanawa yoku shi ninga,” Sir John ta ti.
Harry naMeghan, mboka yali ya etha po iinakugwanithwa ayihe yina sha nuukwaniilwa nenge nezimo lyuuwa, oya li ya holola moonkundathana naOprah Winfrey omwedhi gwazi ko kutya oyali ya tokola opo ya tembuke noku thiga po ezimo omolwa okatongotongo kopalwaala lwoshipa hoka keli mezimo moka. Meghan Markle oye omuntu gwotango e na ombinzi yomuluudhe ta hoka na mo mezimo moka. Harry moonkundathana moka okwali a lombwele Winfrey kutya ekwatathano pokati ke nomukulu gwe Williams, kali li naanaa nawa. Oku kala omuleli gwoshilongo oshinima shanika onkalo yoku ikalela, na ngashingeyi sho omukwaniilwa a kanitha omusamane gwe ngoka oye a li ha vulu oku topolelathana naye kehe shimwe otaka kala a ponga noonkondo sho mezimo kamu na ekatwathano.
Ethimbo lyoosa moEngland okwa tegelelwa li hule momasiku 17 Apiilili, ngele Prince Philip okwa fumbikwa koWindsor Castle ndjoka yili mongeleka yaSt George.
Prince Philip okwa sile moWindsor Castle mEtitano, mepipi lyomimvo 99.
Aakwashigwana onkene taya tsikile oku yala oongala peelo lyuuwa nonande epangelo lya kala tali pula oshigwana shi hulithe po okushi ninga omolwa oimilandu omipe. Ashike mboka taye shi ningi oya kwatela mo aaniilonga yomombala mboka ya thanekwa taya waimine aakwashigwana ooyakwao noku tula iipandi yoongala ponje yongeleka yaSt George.