Eikwatopomutima sho South Sudan a taalela ondjala yamemememe

Aantu ye vule oomiliona heyali moSouth Sudan oya taalela ompumbwe onene yiikulya muule woomwedhi twa uka – noonkambadhala odhi na okutulwa po okukeelela ondjala, osho UN World Food Programme (WFP) ya ti ngaaka.

“Omathimbo ngaka twa taalela aantu oomiliona 7,4 otaya ka kala monkalo yamemememe yompumbweyiikulya,mwakwatelwa uunona naakadhona aashona ya mona uunona ye li omiliona 1,4 taya ka dhengwa komanyutu, nonkalo ndjoka oyo twa hala okukeelela,” Matthew Hollingworth osho a lombwele aatoolinkundana moshilandopangelo Juba.

“Onkene, otwa pumbwa okukatuka onkatu nokutula oonzo noonkondo dhetu adhihe muka opo tu keelele oshiponga shika oshinene shompumbwe yiikulya, opo ku keelelwe ondjala,” ta ti ngaaka.

Elondodho ndika olye ya sho epangelo lyaUS, okupitila mombelewa yomukalelipo moJuba, ya tseyitha kutya otali ka gandja

oomiliona US$95 nomayakulo galwe okukwathela kwaamboka ya gumwa komakuyunguto gopapolitika osho wo ompumbwe yiikulya ya yaga komuntu.

Epangelo lyuukumwe olya li lya totwa muFebuluali omvula ya za ko, ya hulitha po iita yopashigwana yi kenyaneka yoomvula hamano, ashike natango oshilongo kasha li lela monkalo yengungumano. Shika

osha indika aanafaalama oyendji, mboka ya li ya yi omagumbo gawo ontuku, ya kune iikunomwa yawo, shoka sha eta ompumbwe yiikulya moshilongo. South Sudan okwa kutha po wo epato lyoshilongo ndyoka a li a tula po kuyele muFebuluali opo ku keelelwe etaandelo lyomukithi gwoCovid-19, naashika osha pitika oongeshefa odhindji dhi patuluke.

Ondjala oya tata ya indula moSuth Sudana molwiita yopashigwana nomukithio gwocoronavirus.