YouTube a hulitha po omanyanyangidho gaTB Joshua sho anuwa a ‘aludha eshenge’
YOUTUBE okwa hulitha po pakathombo omanyanyangidho gomauvitho naashihe shoka hashi ziilile komuuvuthi Omunigeria a tseyika nawa TB Joshua sho anuwa a ulike okavideo kanyika uutondwe.
Ehangano limwe ola ningi omanyenyeto sho anuwa lwa mono okavideo kaTB Joshua ta aludha aantu kuushenge.
Facebook naye wo okwa kutha ko okavideo kahuguninwa hoka anuwa taka ulike omukiintu ta dhengwa nomankawa sho ta “aludhwa koondeemoni”. Omuuvithi nguka okwa ti otaka pula YouTube opo a talulule etokolo lye.
Epandja lye lyokoYouTube oli na aalanduli yeli omiliona 1.8.
TB Joshua oye gumwe gwomaauvithi Aafrica ye na aalanduli oyendji memenevi nokondje yenenevi ya kwatela mo aanapolitika yopombanda menenevi alihe.
OngunduyokoUKyedhinaopenDemocracy oya gandja omanyenyeto koYouTube tayi ti oya tala uuvideo uli uheyali pokati komumvo 2016 no2020 moka TB Joshua anuwa ta aludha omashenge. Omupopiliko gwaYouTube okwa lombwe openDemocracy kutya epandja laTB Joshua otali ka patwa oshoka omilandu dhawo otadhi indike omathano nenge uuvideo tawu ulike aantu yena nenge takutiwa oye na omikithi wopamadhilaadhilo, nenge taya ulikwa kutya yo aadhinwa omolwa ehoololo lyopaukashike kookantu. Enyolo kepandja lyaTB Joshua Ministries koFacebook otali ti: “otwa kala tu na ekwatathano ewanawa noli na iiyimati naYouTube ethimbo ele, netokolo ndjoka ya ningi otu wete lya endelela noonkondo, no inaali talwa nawa.”
Mokavideo kotango okethimbo lyegalikano kaningwa mo2018 moka mu na omukiintu gwedina Okoye. Mokavido moka TB Joshua ota ulikwa ta dhenge noku undula omukiintu gumwe ngoka edhina lye inaa li tumbulwa, lwiikando 16 na opo nee a taalele kuOkoye.
“Ou na ombepo tayi ku hepeke ombepo ndjoka oya holama molutu lwoye. Ndjika ombepo yomukiintu,” osho openDemocracy a lopota.
Okavideo hoka okali ka talwa lwiikando 1.5 omanga YouTube ineeka kutha ko oka ulike wo omukiintu ngoka ta gandja omapandulo ta ti okwa kala ta hepekwa kombepo yuushenge, nota pandula Kalunga sho a aludhwa, konima sho a galikanenwa komupolofeti. “Ngashingeyi ondi na omahalo gaalumentu,” omukiintu ta ihokolola
TB Joshua olye?
Oye omutotipo gwongeleka tayi ithanwa Synagogue, Church of All Nations ndjoka yimwe yomoongeleka dha tseyika nawa moNigeria. TB Joshua ye ina fa aasita ooyakwao oshoka ye iha uleke uuyamba we gaashi aasita ooyakwao. Aantu omayovi omilongo ohaya yi kongeleka hoka noha ya kala melongelo Kalunga lye oshiwike kehe. Okwa tameke oku tseyika nawa unene moomvula dho1990 sho a patula ochanel TV hoka ha ulike “iikumwithalonga”.
TB Joshua okwa kala ta yembwa olundji omolwa ongeleka ye ndjoka kaayi na iiholekwa unene ngele ta aludha aantu pethimbo lyomagalikano ga kwata miiti noku tidha mo oondeemoni maantu. Ongeleka ye ohayi ti ohayi vulu oku aludha uuvu kehe, mwa kwatelwa oHIV/Aids, naashika ohashi nana aantu taya kongoloka oku za muuyuni aguhe.
TB Joshua ngoka a tseyika nawa onga omuprofetikaalanduliye,ohaningiomatelelopo muuyuni aguhe, unene moAfrica, US, UK nomoSouth America.
Momumvo 2014, etungo lyongeleka ye limwe ola li la teka po e tamu sile aantu 116, mboka unene yali ya kwatela moAasouth Africa. Shika oshali sha eta opo ongeleka yi patululitwe oshipotha shedhipago.